Mutakiherye Mukhalelo Yehova Onaphariheleiye Otokweene Awe

Yehova muhooleli mutokweene (1Mam 22:19; it-2 ipaax. 53-54)

Yehova onnaacicimiha yaale ari vathi va olamulelo awe (1Mam 22:20-22; w21.02 epaax. 4 epara. 9)

Yehova aareeliha muteko wa ankeelo (1Mam 22:23; it-2 epaax. 354)

Tiithi eecihaka malapelo a echoko ni amwaariye vamoha ni mwanaya a mwaamuthiyana. Owo atheyaka vaavaa mwanawe amwaamuthiyana onaloceiye moohakalala.

Xaxaxa atokweene a muloko ni miru sa ichoko enaphwanela weererya otakiherya mukhalelo wa ohoolela wa Yehova. (Éfe 6:4; 1Ped 3:7; 5:2, 3) Vaavaa awo aneeraayano yeela, yaale ari vathi va olamulelo aya anahaala ohakalala ni osiveliwa.