Mwene Solomoni Aahipaka Soolakelela Soonanara

[Murumihe exilema Mapaceryiho a 2 Matharihelo.]

Solomoni aahaathukumanya akavalo vamoha ni ikaaro sa ikhoco sa Oyikuputu (Malam 17:15, 16; 2Math 1:14, 17)

Wi akavalo ni ikaaro sa ikhoco sikhale sookhapeleleya, yaanachuneya achu vamoha ni ipooma sincipale (2Math 1:14; Perspicaz vol. 1 epaax. 900 epara. 2; Perspicaz vol. 1 epaax. 437 ipara. 2-3)

Omapacereryo wa olamulelo wa Solomoni, achu yaanapuha okumi waphaama, nyenya voocharela owo aahaareya yaawo murici woohokola. Nave vaavaa Rehopowamu aakhanleiye mwene, awo yaahimurukunuwela nthowa nawi owo aaheeriha okumi aya okhala woovilaxa. (2Math 10:3, 4, 14, 16) Mwawiihiiha, soolakelela sahu ilukuluku soothene sookhalano sookhumelela saya.—Aka 6:7.