MUHAKHU WA MASU A MULUKU

Murima Aka Onamukhala Vaavaa Mahiku Oothene

Yehova aahithanla empa mukhateiye (2Math 7:11, 12)

Yehova oloca wi murima awe waahaala okhala mummo mahiku oothene, yooniherya wi ilukuluku soothene owo aahaala opwachaka mwawiiseela echu vyakala yeeyo yaahaala weereyaka mu empa ya Muluku (2Math 7:16; Sentinela, 15/11/2002 epaax. 5 epara. 1)

Waakhanle wi achu yaahiya omuchara Yehova “ni murima woothene,” owo aahaala weemererya wi empa ya Muluku emwaryiwe (2Math 6:14, PMM; 7:19-21; Perspicaz vol. 2 epaax. 1093 epara. 5)

Iruku: Miteko sa malapelo. 1. Munna mmoha avekelaka. 2. Murokora mmoha avahaka naakhulo mmithukumano sa muloko. 3. Mutheli mmoha ari mmuteko woolaleerya. 4. Munna mmoha eelihaka Empa ya Omwene. 5. Munna mmoha eecihaka malapelo a echoko ni amwaariye vamoha ni anaawe eeli. 6. Murokora mmoha amwaalakhanyaka Piipiliya awe. 7. Murokora mmoha apakaka sooveleela mu ekaaxa ya sooveleela.

Elukuluku yeeyo empa ya Muluku yaahuliwaaya, achu yuupuwela wi ilukuluku soothene yaahaala opwachaka mwawiiseela omulapela waya Yehova. Moothananiha, achu yaahipacerya oyeleela vakhaani-vakhaani mvai aya ntakhara malapelo a Yehova.

MWIIKOHE: ‘Kini kooniherye hai wi kinnapwacha mwawiiseela malapelo aka?’