Mukhale a Wiivareryela Muhuseryaka Nyaha Sawiixeela sa Mpiipiliyani

Mwalakhanye Taniyeli 9:1-19 wi mwiiwexexe ochuneya waya ohuserya nyaha sawiiseela sa Mpiipiliyani.

Muthokororye mwaha ene. Ichu taani seeren’ye, nave samvolowenle hai Taniyeli? (Tan. 5:29–6:5) Nyuwaano mwaahaala woona hai waakhanle wi muri mmakupa awe?

Ohuserya mwawiiseela. Mu “aliivuru aweela” taani akhweya Taniyeli aapankeiyemo otholathola? (Tan. 9:2, enoota, TNM; Sentinela, 1/1/2011, epaax. 22, epara. 2) Ntakhara heeni Taniyeli aahilokoha soocheka sawe ni soocheka sa nloko na Aisarayeli? (Onam. 26:39-42; 1 Mam. 8:46-50; Preste Atenção à Profecia de Daniel!, ipaax. 182-184) Nivekelo na Taniyeli ninnooniherya wi aanahuserya vancipale masu a Muluku?—Tan. 9:11-13.

Muupuwele ichu muhusenryanyu. Mwiipakele makoho:

• ‘Tiheeni kinaphwanelaaka weera wi kihaakanyeryeye ni saweereya sa elapo?’ (Mik. 7:7)

• ‘Mphurelo taani kinahaalaaka okhalano moorweela wa ohuserya Masu a Muluku mwawiiseela hiiha ntoko Taniyeli?’ (Sentinela, 1/8/2004, epaax. 12, epara. 17)

• ‘Ichu taani kinaphwanelaaka ophitaanyerya mu yoohuseryaaka wi kititelele “olipelela”?’ (Mat. 24:42, 44; Sentinela, 15/8/2012 epaax. 5, ipara. 7-8)