Masu a Vathi

a Vaavaa Yesu aalonceiye eneneeryo ya okuchuwa wa elapo, owo aaloca maphwanaphwaniho mancipale. Woopaceryani, aamuloca “mulapeli òroromeleya ni awisuwela” nikhuuru nikhaani na anna awoocihiwa yaawo anaahoolela achu a Muluku. (Mateu 24:45-47) Voocharela, aaloca niphwanaphwaniho naathoonya oothanliwa oothene. (Mateu 25:1-30) Wookuchulani, aahaaloca yaale yaahaala waakhaviherya anna a Kristu ni okhala veelaponi ya vathi. (Mateu 25:31-46) Moolikana, vaavaa yooloherya ya Esekiyeli yaapacenryaaya waakhwanela mmahiku ahu, yaapacenrye ophariheleya wa yaale yaarino ewehereryo ya wirimu. Nave naamwi mahimo khumi a Isarayeli ehiweemelelaka yaale anaya okhala veelaponi, wiiwanana yoowo waaloheryiwe onnanuupuxerya wiiwanana orivovo variyari va yaale arino ewehereryo ya veelaponi ni anna oothanliwa.