EPIIPILIYOTEKA ya Watchtower

Mvaheke Esisapo Yamahala ya Okumi

Mpuhe Okumi Okhala Wookhala!—Ovaanela Vooloca Sa Piipiliya
- 5. Mucicimihe ekumi ya mwaana yoowo orupaliwe
  
  Tavite oothariha wi Yehova onnuukhuwa wa yeeyo eneereya wa mwaana yoowo orupaliwe. Mwaalakhanye Salumu 139:13-17, nave voocharela muthokororye nikoho nla:
  
  Apwanne wa Yehova ekumi enapacerya vaavaa muthiyana onarupaleiye naari mwaana amanle oyariwa?
  
  Malamulo yaawo Yehova aavanheiye wa nloko na Aisarayeli yaanamukhapelela mayi ni mwaana yoowo orupaliwe. Mwaalakhanye Mukwaha 21:22, 23, nave voocharela muthokororye makoho ala:
  
  Tuuvi waari moonelo wa Yehova vooloca sa muchu yoole, moohilakelela aayeeha erukulu?
  
  Yehova onoona hai vaava muchu oneereiyeno yeeyo moolakelela?b
  
  Tiheeni munuupuwelaanyu vooloca sa moonelo yoola wa Muluku?
  
  Moone EXILEMA.
  
  EXILEMA: Mucicimiheke Ekumi Hiihaa Ntoko Muluku (5:00)
  
  Naamwi muthiyana onasuwela wi ekumi ti yasisapo onanwerya wuupuwela wi oyeeha erukulu yoolakelela awe. Mwaalakhanye Isaiya 41:10, nave voocharela muthokororye makoho anacharela:
  
  Wakhala wi muthiyana onnakhinyereriwa oyeeha erukulu, taani owo onaphwaneleiye omveka nikhaviheryo? Ntakhara heeni?

Mvaheke Esisapo Yamahala ya Okumi

Mpuhe Okumi Okhala Wookhala!—Ovaanela Vooloca Sa Piipiliya
- b Muchu yoowo ontonko oyeeha erukulu, hanaphwanela okhala awuukhuwa, ni wiisoona okhalano nthowa—Yehova onanwerya omukhurumuwela. Wi moone sooleeliherya sincipale, mwaalakhanye mwaha “O que a Bíblia diz sobre o aborto?” yoowo onaphwanyeya mmwaha yoola mu nikupa nni: Otholathola.