• Nnahaala Opaka Hai Soolakelela Saphaama?
    Mpuhe Okumi Okhala Wookhala!—Ovaanela Vooloca Sa Piipiliya

    • 5. Mucicimihe yawuupuxerya-ya-murima ya akina

      Achu toohiyana, mwawihiiha, annapaka soolakelela soohiyana. Vano nni niwerye hai wooniherya wi ninnacicimiha yawuupuxerya-ya-murima ya akina? Moone mikhalelo miili:

      Mukhalelo 1: Murokora mmoha yoowo onasiveliwa wiimakeyaara onnathaamela muloko yoowo ariwo arokora anakacamiheya yawoonaka athiyana yiimakeyaanre.

      Mwaalakhanye Aroma 15:1 ni 1 Korinto 10:23, 24, nave voocharela muthokororye makoho ala:

      • Mwawiiwanana ni iversikulu seiya, tiheeni akhweya murokora aahaaleiye olakelela weera? Tiheeni nyuwaano munahaalaanyu olakelela weera wakhala wi muri ni muchu yoowo onoona okhala yoonanara weera echu yeeyo yawuupuxerya-ya-murima anyu eneemereraaya?

      Mukhalelo 2: Munna oosuwela wi Piipiliya onaloca wi tahi yoonanara owurya moophimelela, nyenya owo onnalakelela ohiwuryaru soowurya soohapaliha. Owo onnawonpwa wi alye vaate va munna. Ori weiwo owo onnawoona anna ewuryaka soowurya soohapaliha.

      Mwaalakhanye Eklesiyaste 7:16 ni Aroma 14:1, 10, nave voocharela muthokororye makoho ala:

      • Mwawiiwanana ni iversikulu seiya, tiheeni akhweya munna aahaaleiye olakelela weera? Tiheeni mwaahaalanyu weera mwaari ni muchu yoowo oneera echu yeeyo enuukhula yawuupuxerya-ya-murima anyu?

      Tiheeni munaphwanelaanyu weera wi mpake soolakelela saphaama?

      Muthiyana arikimvekela.

      1. Mvekele wa Yehova mvekaka nikhaviheryo wi mulakelele yaweera.—Tiyako 1:5.

      Muthiyana mmohamoha onnapaka otholathola ampharihelaka Piipiliya, ni soolaleryiwa sinathipeleya Mpiipiliyani mu komputatore.

      2. Mpake otholathola Mpiipiliyani ni mu soolaleeryiwa sahu wi mphwanye malakiheryo anaphariheleya wa yoolakelela anyu. Mwaakohe tho Akristu awichwelavo.

      Muthiyana mmohamoha uupuwelelaka.

      3. Muupuwele mukhalelo yoolakelela anyu enahaalaaya ovolowela yawuupuxerya-ya-murima anyu ni ya akina.