7, 8. Ti mwawiihai nnahaalaahu okhalano murici wa Yehova ntakhara masu ahu?

⁷ Nthowa naneeraru na olipelela nlumi nahu ti nawi nnahaala okhalano murici wa Yehova ntakhara masu ahu. Mukhalelo nnapharihelaahu nlumi nahu onnavolowela ohiya pahiru wiiwanana wahu ni achu, nyenya tho onthamwene ahu ni Yehova. Yakobo 1:26 onnaloca: “Mukina yowo oniséra wi tomulapa Muluku, ahinamaka nlumi nawe, nyenya oniwoka m’murimani mwawe, omulapa waya Muluku wa mutchu’la ti watherutheru.”b Ntoko noonnaahu mu mwaha ovirale, malocelo ahu annavolowela malapelo ahu. Wakhala wi nlumi hinnalipeleliwa​—nlocaka masu oonanara ni awiipha​—miteko sahu soothene Seekiristu hikhalano esisapo vamiithoni va Muluku. Apwanne hamuneemererya wi ninnaphwanela wuupuwelela yeela?​—Yakopo 3:8-10.