3. Anamoona a Yehova anatakiherya hai osivela wa Yesu?

Yesu aanaasivela vancipale oohuserya awe ophiyerya wi awo yaari ntoko amusi awe. (Mwaalakhanye Marko 3:35.) Moolikana, Anamoona a Yehova ari awiiwanana ntoko emusi ya elapo yoothene. Ti nthowa nene nnawiichanaahu mukina ni mukhwaawe munna ni murokora. (Filémone 1, 2) Hiyaano tho ninniiwelela nlamulo nla: “Mwaakhweleke tho anna.” (1 Pedro 2:17) Anamoona a Yehova annooniherya osivela yoola mmikhalelo soohiyana hiyana, ntoko moorweela wa waakhaviherya anna ni arokora aya orukurerya elapo vaavaa anathoiwaaya.

6. Vaavaa nnapatisiwaahu ninnapaka makupa a emusi ya Yehova

Vaavaa nnapatisiwaahu, ninnapaka makupa a emusi ya wiiwanana ya elapo yoothene. Moohipwacha elapo ahu naari sookhovelela, oothene ahu ninnaroromela ichu imohamoha nave ninniiwelela malamulo mamohamoha a Muluku. Mwaalakhanye Salumu 25:14 ni 1 Pedro 2:17, voocharela muthokororye nikoho nla:

• Opatiso onavolowela hai onthamwene wa muchu ni Yehova vamoha ni akina anamulapela Yoowo?

Vaavaa nnakhalaahu ni annihu ninniisoona ntoko Mwene Tavite: “Ti waphaama ni woohakalaliha chiri wi anna ekhaleke vamoha.” (Salumu 133:1) Nyenya wiiwanana yoola horimoona okhalavo pahi. Muchu ori oothene onaphwanela opaka makupa awe.

1. Tiheeni eri yootikhiniha variyari va achu a Yehova?

Wakhala wi moophwanyeya va muthukumano mu elapo ekina, munahaala woona wi naamwi muhiiwexexaka elocelo ene, munahaala wiisoonaka ntoko wi muri owaani. Ntakhara heeni? Nthowa nawi ninnamuhuserya Piipiliya ni soolaleeryiwa imohamoha mu ilapo soothene. Nave ninniilipixerya wooniherya osivela wa mukina ni mukhwaawe. Moohipwacha ti woowi nnarwaahuwo, oothene ahu ‘nnamvekela yooworu [Yehova], nimulapaka ni murima mmoha.’—Sofoniya 3:9.

2. Tiheeni munaphwanelaanyu weera wi mukhapelele wiiwanana?

“Mukhwelaneke chiri mukina ni mukhweiye ni murima wooreera.” (1 Pedro 1:22) Muni mweereno hai yeela? Muhitikitheryeye mu soohesa sa akina, nyenya mu mikhalelo saya saphaama. Ohiya okhala asinthamwene a achu yaawo munalikanaanyuno mu ichu ikina, mweererye waasuwela anna ni arokora oohiyanahiyana. Nave tho nnaphwanela wiilipixerya ophola mmurimani mwahu mukhalelo vyakala wa nthalu nryaahuno.—Mwaalakhanye 1 Pedro 2:17.a

3. Tiheeni munaphwanelaanyu weera wakhala wi wookhumelela ohiiwanana ni munna naari murokora?

Hiyaano naachu awiiwanana, nto naamwi hiiha naachu oohiphaameya. Ikwaha ikina, nnanwerya onyeenyeihana. Ti nthowa nene Piipiliya onanleeleiye wi ‘mukhurumuwelaneke mukina ni mukhwaawe.’ Nave onnaacererya: “Mukhurumuwelaneke ntoko Apwiya ookhurumuwenlaayaani.” (Mwaalakhanye Kolosi 3:13.) Hannawerya waalakhanyerya ikwaha kavi nimuhicinhaahu Yehova. Naamwi hiiha, owo onnanikhurumuwela. Wanthowa na yeeyo, owo onachuna wi naakhurumuweleke anna ni arokora ahu. Wakhala wi mohoona wi moomunyeenyeiha mukina, mukhale mi mpacerye omveka nikhurumuwelo nave mutikitherye murecele.—Mwaalakhanye Mateu 5:23, 24.b

OHUSERYA MWAWIISEELA

4. Mvoothe nthalu

Hiyaano ninnachuna waasivela anna ni arokora oothene. Nyenya hokhala wookhweya omusivela muchu yoowo onakhala wi toohiyana vancipale ni hiyo. Tiheeni enahaala onikhaviherya? Mwaalakhanye Saweeriwa T’arummwa 10:34, 35, nave voocharela muthokororye makoho ala:

• Yehova haanono nthalu; muchu ori oothene onanwerya omulapela. Ela enaphwanela ovolowela hai moonelo anyu vooloca sa yaale ari oohiyana ni nyuwaano?

• Mikhalelo taani sa nthalu iri sawunlaana mmakupa munakhalaanyuwo? Ntakhara heeni munnachuna osepa seiyo?

Mwaalakhanye 2 Korinto 6:11-13, nave voocharela muthokororye nikoho nla:

• Munii nwerye hai okhala awaacameleya wa anna ni arokora yaawo ari oohiyana ni nyuwo?

5. Mukhurumuweleke ni murima woothene nave mutikitherye murecele

Hiyaano hinrwa nimukhurumuwela Yehova wa echu vyakala, naamwi hiiha owo onnanikhurumuwela. Mwaalakhanye Salumu 86:5, nave voocharela muthokororye makoho ala:

• Ophiyerya mweeryo taani Yehova onanikhurumuweleiye?

• Ntakhara heeni munnathamalela okhurumuwela wa Yehova?

• Ninnachuna okhala mmureceleni ni achu oothene. Mikhalelo taani saahaala onaakanyerya?

Nnii nimutakiherye hai Yehova ni otitelela okhala awiiwanana ni anna ni arokora ahu? Mwaalakhanye Masiposipo 19:11, nave voocharela muthokororye nikoho nla:

• Wakhala wi muchu ohoonyeenyeihaani naari ohoophucaani, tiheeni munaphwanelaanyu weera wi murehererye nikacamiho?

Ikwaha ikina, ninnaanyeenyeiha akina. Wakhala wi eyo yoheereya, tiheeni nnaphwanelaahu weera? Moone EXILEMA, nave voocharela muthokororye nikoho nla:

EXILEMA: Jeová abençoa quem faz as pazes (6:01)

• Mu exilema yeela, ti mwawiihai murokora aatikithenryeiye murecele?

6. Mutikitheryeye mmikhalelo saphaama sa anna ni arokora anyu

Vaavaa nnapakaahu onthamwene ni anna ni arokora ahu, ninnasuwela mikhalelo saya saphaama ni sooceecheya saya. Nnii niwerye hai otikitheryeya mmikhalelo saphaama sa anna ni arokora ahu? Moone EXILEMA, nave voocharela muthokororye nikoho nnacharela:

EXILEMA: Nwooneke Akina Mmukhalelo Waphaama! (5:10)

• Tiheeni enahaala wookhaviheryaani woona mikhalelo saphaama sa anna ni arokora anyu?

Yehova onatikitheryeya mu mikhalelo sahu saphaama. Mwaalakhanye 2 Matharihelo 16:9a, nave voocharela muthokororye nikoho nla:

• Osuwela wi Yehova onatikitheryeya mmikhalelo sanyu saphaama, enaweerihaani woona hai?

MUKWASU

Nyuwaano munanwerya okhaviherya okhapelela wiiwanana mmulokoni moorweela wa okhala muchu oolevelela ni wooniherya osivela wa anna ni arokora oothene.

Makoho awuuluulela

• Munii nwerye hai ovootha nthalu?

• Tiheeni munaphwanelaanyu weera wakhala wi wookhumelela ohiiwanana ni munna naari murokora?

• Ntakhara heeni munnachuna omutakiherya Yehova moorweela wa waakhurumuwela akina?

OTHOLATHOLA

Moone mukhalelo niphwanaphwaniho nimoha na Yesu nneeraaya nookhaviheryeni ohaathoriha akina.

Tire a trave do seu olho (6:56)

Apwanne ti woochuneya oveka nikhurumuwelo naamwi noonaka wi hinipanke echu yoonanara?

“Pedir desculpas: um meio eficaz para fazer as pazes” (A Sentinela, 1.º de novembro de 2002)

Moone mukhalelo akina ehusenryaaya waakhaliha akina moohikhala nthalu.

Não Julgue Pelas Aparências (5:6)

Moone mukhalelo muneeraanyu murehererye nikacamiho ni munna naari murokora nlo nihaakumve waakanyerya murecele mmulokoni.

“Mmalihe Owanawana Mmukhalelo Woosivela” (Mulipeleli a Maiyu a 2016)