OKUMI WEEKRISTU

“Miyano Kiri Okhalene! Mukirume!”

Wiiveleela wa Isaiya onnaphwanela otakiheryiwa. Owo aahooniherya nroromelo ni weemererya mwawaakuveya opaka muteko waachuneya, naamwi ahisuwenle phaama muteko ene. (Isa 6:8) Apwanne munanwerya okhweiha mukhalelo wa okumi anyu wi nwerye orumeela weiwo oriwo othowa otokweene wa alaleeryi a Omwene? (Sal 110:3) Chiryene, ti woochuneya muchu opacerya “okirathi wi asuwele ikhorowa anayeiye oyeha” va othaama wawe. (Luka 14:27, 28) Mwawiihiiha, mukhale awiiveleela ohiya ichu ikina nthowa na muteko woolaleerya. (Mat 8:20; Mar 10:28-30) Ntoko yooniheryiwaaya mu exilema Eles se mudaram para servir onde há mais necessidade, mareeliho nnaakhelaahu mmuteko wa Yehova annavirelela wiilipixerya wahu woothene.

MMANLE WOONA EXILEMA, MWAAKHULE MAKOHO ANACHARELA:

• Tiheeni muchu ti muchu a veemusini ya William eenreiye wi erumeele o Ekwatore?

• Ichu taani awo yaathokoronryaaya wi ethanle elapo ya orumeelawo?

• Mareeliho taani awo yaakhenlaaya?

• Ti woowi munahaalaanyu ophwanyawo sooleeliherya ikina vooloca sa elapo oriwo othowa otokweene?

VARIYARI VA MALAPELO ANYU A ECHOKO ANACHARELA, MUTHOKORORYE MAKOHO ALA:

• Nni niwerye hai waaceererya muteko ahu wa olaleerya ntoko echoko? (km-T 8/11 4-6)

• Wakhala wi hinnawerya orumeela weiwo oriwo othowa otokotoko, tiheeni nnaphwanelaahu weera wi nikhaviherye muloko ahu? (w16.03 23-25)