MUHAKHU WA MASU A MULUKU | ISAIYA 11-16

Masuwelelo a Yehova Anamusareya Veelaponi

11:6-9

Yooloherya ela yaakhwanenle hai wa Aisarayeli?

• Ovinyerya mu ephiro yaavinraayamo eyaaka o Papulu weiwo yaakerihiwaayawo ntoko akapuro, naari ekookakawo, Aisarayeli hiyaarino woova wa echu eri yoothene, mwaxinama naari muchu.​—Esd 8:21, 22.

Yooloherya ela enaphariheleya hai mmahiku ahu?

• Masuwelelo a Yehova annatoroka makhalelo a achu. Achu yaale khalai yaari oowali, aatorokeya ekhala achu a murecele. Masuwelelo a Yehova aamutikitherya parataiso oomunepani veelaponi yoothene.

Yooloherya ela eni yaakhwanele hai omwaahiyu?

• Elapo yoothene enamukhala nipuro nookhapeleleya, ni parataiso a murecele, mwawiiwanana ni yoolakelela yoopacerya ya Muluku. Hekhalavo yoopatuxiwa, axinama naari achu, eni enaweerela yoonanara akina.

Paulo aatorokeya nthowa na masuwelelo a Muluku

• Ari Mfarisi, owo aanaweerela yoonanara akina.​—1Tim 1:13.

• Masuwelelo eeparipari yaatoroka omuchu awe.​—Kol 3:8-10.