Yawoona Enalipiha Nroromelo

9:1-7

Nkaanyiheryani mukhalelo Yesu aakhanleiye vaavaa iiwaleiye nsu na Atiithi awe awirimu elocaka variyari va yawoona yeele wi Awo annamweemererya yoowo. Moohikhwa minikwa, yaweereya ela yaamulipiha Yesu wa soohooxa soothene aahaaleiye okumanano voocharela. Yawoona ela, yaamvolowela vancipale Petro, Yakopo, ni Yohani. Ela yaahaalekecha wi mweeparipari Yesu aari Mesiya, nave awo yaanaphwanela onwiriyana. Ivinrevo iyaakha 32 ohoolo waya, Petro nlelo aanuupuwela yaweereya yeele ni mukhalelo yeerinhaaya wi “mutxhaka olaleyiwe ti alipa amiririmu” okhala weeparipari wa yoowo.—2Ped 1:16-19.

Naamwi hiyaano naahoonne yawoona eyo yootikhiniha, ninneerela onamoona waakhwanela waya. Yesu onnalamulela ntoko Mwene oowerya. Moohilekela, owo onahaala waakhwaniha ‘ovotha’ wawe ahulaka ephiro ya elapo evyaani yeekhaikhai.—Wup 6:2.

Nroromelo nanyu nlipixiwe hai moorweela wa woona waakhwanela wa soolaiherya sa Mpiipiliyani?