OKUMI WEEKRISTU

Yehova Oonihusiha Waaphuwa Anamwane Ahu

Tiheeni atheli aneeraaya ehuserye wa Tiithi aya a wirimu, Yehova, yeeyo enahaala waakhaviherya waaphuwa anamwane aya mmukhalelo waphaama? Moone exilema Yehova Oonihusiha Waaphuwa Anamwane Ahu, nave voocharela mwaakhule makoho ala vooloca sa munna Abilio ni mwaariye Ulla Amorim:

Nihiku na othela wa munna Abilio ni murokora Ulla Amorim, vamoha ni anaaya, ni mmoha a anaaya ni mwaariye mmuteko woolaleerya

Tiheeni mutheli ola aahusenryeiye orweela mmukhalelo awo yaaphuiwalaaya, yeeyo yaakhavihenrye waaphuwa anamwane aya?
Ichu taani soohakalaliha anaaya anuupuwelaaya?
Ti mwawiihai munna Abilio ni mwaariye Ulla yiilipixenryaaya opharihela yoorepa ya Malamulo 6:6, 7?
Ntakhara heeni awo tahi wi yoona waaleela anaayaaya echu yaweera?
Ti mwawiihai awo yaakhavihenryaaya anaaya opaka soolakelela saphaama mu okumi aya?
Awo wiiliwiili yaanaaceenyerya anaaya ovolowa mmuteko wa elukuluku yoothene naamwi yaahaala oyeleela eheeni? (bt-T epaax. 178 epara. 19)