YOOHUSERYA 4
Opharihela Phaama Soorepa
ECHU YAWEERA:
Muhaakumve waalakhanya yoorepa murehererye muupuwelo wa oowiriyana anyu.
MUKHALELO WA WEERANO:
● Musuwele ntakhara heeni munaalakhanyaanyu yoorepa. Mpaceryihe yoorepa ti yoorepa mmukhalelo oni omukhaviherye oowiriyana anyu osuwela mwaha munachunaanyu oloca.
Mvarerye mwaha woothene. Wakhala wi muromonle yoorepa nave mmuromola muchu onaloca naari namarepa a liivuru a Mpiipiliya, muroromele wi echu munalocaanyu ti yeeparipari.
● Mumpharihele Piipiliya ntoko yoohoolela. Wakhala wi munaloca ni achu yaawo anamweemererya Muluku, mumvuwihe Piipiliya ntoko “Masu a Muluku.” Mmukhalelo yoowo nyuwaano munooniherya wi owo teri ehime yaphaama ya miruku.
● Mpharihele soorepa wi mutannye nchuno na alipa oowiriyana. Mpake nikoho nenlo nnaakhuliwa mu yoorepa, muromole nikacamiho nenlo nni nrehereryiwe moorweela wa yoorepa, naari muloce nlakiheryo nenlo yaweereya ya mu Soorepa nnahaalaaya waakhaviherya wiiwexexa.
Muupuwele vooloca sa echu oowiriyana anyu asuwenlaaya sa mwaha naari yoorepa. Mpaceryihe yoorepa esuweliwe mmukhalelo wootannya nchuno, nave mwaakhaviherye oowiriyana anyu wuupuwelela eyo wanaawiili naari wiiwexexa phaama mmukhalelo muvyaani.