Nyuwaano Munanwerya Olaleerya ni Ohusiha!

Voopaceryani, Mose uupuwela wi hi awerye waakhwaniherya murici yoowo aakhenleiye ni Yehova. (Muk 4:10, 13) Nyuwaano munnamuhuserya Piipiliya ni anamoona a Yehova? Apwanne munoona wi himuwerya olaleeryaka empa ni empa? Naari akhweya mwa mmiravo munoova olaleerya oxikola. Naari tho munnoona wi hamwiino mavyakelo ovaha onamoona mumpharihelaka telefone naari mukhalelo mukina wa olaleerya wa vanlakani. Wakhala wi munniisoona hiihaa, mvekele wa Yehova mvekaka munepa waweela. (1 Ped. 4:11) Mukhale oolekecheya wi owo onahaala wookhaviheryaani wi mwaakhwaniherye murici yoowo oneereiye oovaheeni.—Muk 4:11, 12.

MOONE EXILEMA MUKHALE OOLIPA MURIMA . . . NYUWO ALALEERYI, NAVE MWAAKHULE MAKOHO ANACHARELA:

• Makacamiho taani murokora Haruka aahoolenleiye mmuteko wa olaleerya?

• Tiheeni yaamukhavihenrye murokora Haruka okhalano ikuru ni olipa murima?—Yer 20:7-9

• Ntakhara heeni yaaraaya yaphaama wa yoowo wiilipixerya wi apake sincipale mmuteko wa Yehova?

• Makacamiho taani Yehova oneereiye ookhaviheryeeni wi mvoothe mmuteko woolaleerya?