YOOHUSERYA 10
Ohiyaniha Waalakhanya
ECHU YAWEERA: Muloce mookwakwaleya nave mutannye nchuno moorweela wa ohiyaniha ovuwa, waakuveya ni wiiweya wa nsu nanyu.
MUKHALELO WA WEERANO:
● Otoroka ovuwa wa masu. Mwaaceererye ovuwa wa masu anyu wi mooniherye mwaha woochuneya ni waaceenyerya oowiriyana anyu. Mweereno emohamoha vaavaa munaalakhanyaanyu makupa analoca sa othoriha, ntoko yootakiherya, woorweela wa Yehova ntakhara achu. Mvukule ovuwa wa masu anyu wi mooniherye woova naari wuukhuwa.
Muhaaceererye ovuwa wa masu anyu elukuluku yoothene wi owiriyana anyu ehiphweeleye. Musepe wiicicimiha mukhatiinyu moorweela wa oloca ntoko munapaka etrama.
● Muhiyaniheke waakuveya wa mukhalelo munalocaanyu. Wakhala wi ti wawunlaana mu elocelo anyu, mwaakuvihe masu anyu wi mooniherye olucuwa naari wooniherya mannuwelo naari oorekama. Muloceke vakhaani wi mooniherye othanana naari wuukhuwa.
● Muhiyanihe wiiweya wa nsu nanyu. Muloce mwawaakuveya wi mooniherye ohakalala. Muloce vakhaani vakhaani vaavaa munalocaanyu miyaha soochuneya.
Wi musepe waatikhiniha oowiriyana anyu, muhitoroke wiiweya wa nsu nanyu mootutuxa. Muhichimakiheke oloca ophiyerya achu ehinawerya wiiwexexa nthowa na ohiloca phaama.