YOOHUSERYA 8
Maphwanaphwaniho Anahusiha
ECHU YAWEERA: Murehererye mahusiheryo anyu ni maphwanaphwaniho ookhweya eni eweerihe oowiriyana anyu ohuseryavo echu yoochuneya.
MUKHALELO WA WEERANO:
● Muthanle maphwanaphwaniho ookhweya. Ntoko Yesu, mpharihele ichu ikhaani wi muhusihe ichu itokweene, nave ichu sookhweya wi muhusihe ichu soovila. Muhaaceererye masu oovila yaawo anahaala weeriha niphwanaphwaniho nanyu okhala nookacamiha. Muroromele wi yoolakelela ya niphwanaphwaniho nanyu ninnaphariheleya wa mwaha munahusihaanyu wi oowiriyana anyu ehikhale awaakanyeryeya.
Mukhale oovareryela. Mvarerye voorukurerya vanyu, muhuserye soolaleeryiwa Seekristu, nave muhuserye mavyakelo a ohusiha. Mweerano hiiha, murepe maphwanaphwaniho munahaalaanyu opharihela wi murehererye mahusiheryo anyu. Mukhapelele maphwanaphwaniho yaawo va epapeli.
● Muupuwele echu enahaala waakhaviherya oowiriyana anyu. Muthanle maphwanaphwaniho yaawo anaphitaanyerya miteko ni ichu sookhweleya sa oowiriyana anyu. Mukhaleno ephoole wi maphwanaphwaniho anyu ehiwuulihe muru naari waanyeenyeiha.
● Muhusihe echu yookhweleya. Muthokororye nihusiheryo na niphwanaphwaniho. Muroromele wi oowiriyana anyu onahaala wuupuwelela ohiya pahiru niphwanaphwaniho, nyenya yeeyo owo ohusenryeiye mu niphwanaphwaniho.