Yohuserya 15

Asiinthamwene A Muluku Annerano Yeyo Eri Yaphama

Nyuwo mwakhalano nthamwene yowo munamuchichimihanyu, nyuwo munnavyavya okhala ophwanaphwana ni yowo. “Yehova taphama ni ékhaikhai murima,” onlocha hihaa Biblia. (Salmo 25:8) Wii nikhale asiinthamwene a Muluku, nnaphwanela okhala aphama ni ekhaikhai murima. Biblia onii: ‘Khalani ótakiherya a Muluku, ntoko anamwane ósiveliwa; nave echani mu osivela.’ (aEfeso 5:1, 2) Iphiro ikina sawerano seiyo ti iha:

Khalani awiirehererya orumela. “Niwerele othene sorera.”—aGalatiya 6:10.

Mpharesha muteko. “Awíya owo ahíyetho; nyenya tchiriene apharashe muteko, aphare muteko worera ni matáwe.”—aEfeso 4:28.

Khalani aweela mmwiilini ni mmakhalelo. “Niryeheryele mkhatihu otcharuwa yorípiha yothene ya mwíli ni ya munepa, ni oveliha mélelo ni omova Muluku.”—2 aKorinto 7:1.

Mwakhapelele a vetchokoni vanyu mu osivela ni nchichimiho. “Nyenyatho nyuwo, mmoha va mekhiye, amusiveleke mwáriye, ntoko onísiveleliye mekhiye; nave muthiana owo upuweleke wi amoveke mulopwana. Anamwane nyu, mwanawiweleláni yawo yoyanreni.”—aEfeso 5:33–6:1.

Mwathonyerye akina wii munnaasivela. “Nsivelane mukina ni mukhwawe: ntakhara onarwela wa Muluku.”—1 Yohane 4:7.

Mwiweleleke malamulo a elapo. “Atchu othene yiwelele olamulela [wa epoma] . . . Velélani wa atchu othene sophwanelela saya; mushokho wa anenaya a mushokho.”—aRoma 13:1, 7.