Yohuserya 16

Thonyeryani Wii Munnamusivela Muluku

Wii nthamwene apwahiherye, onatchuneya ovanelaka ni nthamwenanyuwo. Nyuwo munnanwiriyana navetho owo onnowiriyanani. Navetho nyuwo munnalocha phama sa nthamwenanyu wa akina. Vamoha-mohatho wa yowo ori nthamwene a Muluku. Pwatchani yeyo Biblia onalochiiye sa yeyo:

Lochani ni Yehova mohihiyererya mu nivekelo. ‘Lipihani olipiha wolipiha mu nivekelo.’—aRoma 12:12.

Alakhanyani Masu a Muluku, Biblia. “Sorempwa sothene sávereliwe ti Muluku, nave sinnaphwanyerya etchu vohusiha, oványa, maryeheryo, mathoriheryo a wikhaikhai.”—2 Timoteo 3:16.

Ahusiheni akina sa Muluku. “Ntakhara awe rowani, husihani atchu a maloko othene, . . . ni ohusiha yawo ekhapelele itchu sothe sene kólamulenlakani nyuwo.”—Mateyu 28:19, 20.

Wachameleni asiinthamwene a Muluku. “Yowo onecha ni atchu a miruku onahaala okhala a miruku.”—Proverpio 13:20.

Mphiyeke vamithukumanoni va Empa ya Omwene. “Nave nanyiheryane mukina ni mukhwawe wi nákuvihaneke o masivelelo ni o mitekoni yaphama, . . . nyenya nchenyeryane.”—aHebri 10:24, 25.

Khaviheryani oshererya muteko wa Omwene. “Mutchu éreno ntoko átitelenliye m’murimani, tahi mothanana nari mwawakeleliha, vawi Muluku annamusivela yowo onaveléla mohakalala.”—2 aKorinto 9:7.