EPIIPILIYOTEKA ya Watchtower
EPIIPILIYOTEKA
ya Watchtower
Elomwe
  • PIIPILIYA
  • SOOLALEERYIWA
  • MITHUKUMANO
  • lfb yoohuserya 103 epaax. 238-epaax. 239 epara. 2
  • “Omwene Anyu Orwe”

Henaphwanyeya exilema mu nikupa nenla.

Munikhurumuwele, yookhala ehesen'ye nichunaka owoonihaani exilema ela.

  • “Omwene Anyu Orwe”
  • Ohuserye Miyaha sa Piipiliya
  • Miyaha Soophwanaphwana
  • Yokhwela Ya Muluku Tisheni Ni Elapo Ya Vathi?
    Muluku Ontchuna Eheni Wahiyano?
  • Tiivi Eri Yookhwela ya Muluku wa Achu?
    Tiheeni Piipiliya Onanihusiheiye?
  • Okumi Woovila Onnapacerya
    Liivuru Aka a Myaha sa Piipiliya
  • Tiivi Eri Yookhwela ya Muluku Ntakhara Elapo Yavathi?
    Piipiliya Onahusiha Eheeni Chiryene?
Moone Sincipale
Ohuserye Miyaha sa Piipiliya
lfb yoohuserya 103 epaax. 238-epaax. 239 epara. 2
Atokweene ni anamwane eri oohakalala mu Parataiso

MWAHA 103

“Omwene Anyu Orwe”

Yehova oolaiherya ariki: ‘Horwa okhalavo winla naari wiicela naari okhwa. Miyaano kinamvuta miithori mmiithoni mwaya. Ichu soonanara sa khalai inamucuwaliwa.’

Yehova aamukuha Atamu ni Eva mu emaca ya Eteni wi ekhaleke mmureceleni. Awo yaahaala omulapelaka Yehova ni osareiha elapo ni anamwane aya. Atamu ni Eva hiyaamwiiwelenle Yehova, nyenya yookhwela ya Yehova hiyaatoroken’ye. Mu liivuru yoola nohoona wi ichu soothene Muluku olaihenryeiye sinnakhwaanela. Omwene awe onahaala oruuha mareeliho veelaponi, ntoko aaroromelinheiye ni Aparahamu.

Atokweene ni anamwane eri oohakalala mu Parataiso

Moohilekela, Satana ni masololo awe ni yaale aneera ichu soonanara anahaala ovihiwamo. Oothene anahaala omulapelaka Yehova. Hokhalavo wiiceliwa naari okhwa. Nnahaala ovinyaka mahiku oothene nrino ikuru ni ohakalala. Elapo enahaala okhala Parataiso. Oothene anahaala okhalakano yoolya yaphaama ni okhala oophareleleya. Achu anahaala okhala aphaama nave hokhalavo nlala. Axinama hekhalaka ocai nave hiniwoovaka.

Nnahaala tho ohakalala vaavaa Yehova oneereiye aaviihe achu ookhwa. Nnahaala owaakhela achu akhalai, ntoko Apele, Nowa, Aparahamu, Sara, Mose, Ruthi, Estere ni Tavite. Awo anahaala olapaka wi elapo ekhale Parataiso. Mahiku oothene nnahaala opharaka muteko woohakalaliha.

Yehova onachuna wi mukhale mparataiso. Munarwa mmusuwela phaama mmukhalelo mwahaanyiheryaanyu. Hankooni nimwaacameleke Yehova mahiku oothene, hiihaano ni okhala wookhala!

“Òphwanela ti weyo Pwiya Muluku ahu wakhela ovuwa, ntxitximiho ni owerya wona wi opatunse itxhu sothene.”​—Wupulula 4:11

Makoho: Matorokelo taani Omwene wa Muluku onahaalaaya opaka veelapo yavathi? Achu oothene owaalakhannyaawe mu liivuru yoola, taani waahaalaawe osiveliwa olocano mparataiso?

Wupulula 21:3, 4; Yobi 33:25; Masiposipo 2:21, 22; Isaiya 11:2-10; 33:24; 65:21; Mateu 6:9, 10; Yohani 5:28, 29; 17:3

    Soolaleeryiwa sa Lomwe (1995-2024)
    Okhumavo
    Ovolowa
    • Elomwe
    • Ovaha
    • Orehererya
    • Copyright © 2025 Watch Tower Bible and Tract Society of Pennsylvania
    • Malakiheryo a Opharihela
    • Malakiheryo a Sookhuweya
    • Configurações de Privacidade
    • JW.ORG
    • Ovolowa
    Ovaha