Wiiyeviha
Ti mwawiihai Yehova onawooneiye awiiyeviha ni awiisoona?
Sal 138:6; Mas 15:25; 16:18, 19; 22:4; 1Pet 5:5
Moone tho Mas 29:23; Yes 2:11, 12
Sootakiherya sookhweleya sa Mpiipiliyani:
2Math 26:3-5, 16-21—Mwene Usiya aahikhala muchu awiisoona. Owo hiiwelenle Nlamulo na Muluku nave aanyeenyeya vaavaa alipa mukucho yaamusamenlaaya, mwa yeeyo Muluku aahimuruuhela mareca
Luka 18:9-14—Yesu aahithariha mukhalelo Yehova onooneiye vaavaa oniiweiye mavekelo a achu awiiyeviha ni awiisoona
Yehova onoona hai wakhala wi muchu oocharuwa mmukhalelo wawiiyeviha ni mweeparipari?
2Math 7:13, 14; Sal 51:2-4, 17
Sootakiherya sookhweleya sa Mpiipiliyani:
2Math 12:5-7—Mwene Rehopowamu ni asiitokweene o Yuta yaahiiyeviha vamiithoni va Yehova nave hiyaatoloxiwe
2Math 32:24-26—Mwene aphaama Esekiya ahipacerya wiisoonamo, nyenya vaavaa aawiiyevinheiye Yehova aahimukhurumuwela
Ti mwawiihai wiiyeviha onanikhaviheryaaya orehererya onthamwene ahu ni akina?
Aef 4:1, 2; Afi 2:3; Ako 3:12, 13
Sootakiherya sookhweleya sa Mpiipiliyani:
Map 33:3, 4—Vaavaa aasuweleiye wi munnawe Esawu akhweya nlelo aari oonyeenyeya, Yakopo aahooniherya wiiyeviha otokweene vaavaa aakumanneiye ni yoowo nave eyo yaaheeriha wi epake murecele
Amut 8:1-3—Muthoriha Kiteyoni, aari awiiyeviha vaavaa aalonceiye wi alopwana o Efarayimu yaari akuru ompwaha yene, mwa yeeyo aahaamaaliha nave aamusepa namvutuka
Mmukhalelo taani Yesu ohusinheiye ochuneya waya wiiyeviha?
Mat 18:1-5; 23:11, 12; Mar 10:41-45
Sootakiherya sookhweleya sa Mpiipiliyani:
Yes 53:7; Afi 2:7, 8—Ntoko yaaloheriwaaya, Yesu aari awiiyeviha nave aaheemererya orwa veelaponi ya vathi wi ahooxeye ni okhwa wawiicela ni wuulihiwa muru
Luka 14:7-11—Yesu aahithariha niphwanaphwaniho vooloca sa othanla nipuro noocicimiheya va efesta, wi ooniherye mukhalelo wiiyeviha oryaaya woochuneya ni woophara muteko
Yoh 13:3-17—Yesu aahivaha yootakiherya ya wiiyeviha wa oomuchara awe vaavaa aaphanreiye muteko wa kapuro moorweela wa orapiha inaani sa arummwa awe