Othela
Taani opatunse othela?
Map 1:27, 28; 2:22-24; Mat 19:4-6
Taani Mukristu onaphwaneleiye omuthanla wi amuthele naari atheliwe ni yoowo?
Ntakhara heeni Mukristu haahaala weemererya wi mwanawe yoowo opatisiwe atheliwe naari omuthela muchu yoowo ahinamulapela Yehova naari ahipatisiwe?
Sootakiherya sookhweleya sa Mpiipiliyani:
Map 24:1-4, 7—Ohiya wi amuhiye mwanawe Isaki omuthela muthiyana o Kanani yoowo aahimulapela Yehova, nikholo Aparahamu aahilakelela omwaavyerya muthiyana yoowo aamulapela Yehova
Map 28:1-4—Isaki aahimuleela mwanawe Yakopo wi aaphwanela omuthela muthiyana yoowo aamulapela Yehova ohiya muthiyana o Kanani
Yehova oniisoona hai vaavaa mulapeli awe onathelaneiye ni muchu oohiroromela?
Malam 7:3, 4
Sootakiherya sookhweleya sa Mpiipiliyani:
1Mam 11:1-6, 9-11—Yehova aahinyeenyeya ni Mwene Solomoni nthowa nawi hiiwelenle Nlamulo nave aahaathela athiyana a ilapo ikina yaawo yaahuwelinhe murima awe mu omulapela Yehova
Neh 13:23-27—Hiihaa ntoko Yehova, mulamuleli Nehemiya aahitepa onyeenyeya vaavaa Aisarayeli yaathenlaaya athiyana a ilapo ikina yaawo yaahimulapela Yehova, mwa yeeyo owo aahaalaka ni owookolola
Ntakhara heeni ti yamiruku othelana ni muchu yoowo ori mulapeli a Yehova oororomeleya nave orino meecelo aphaama?
Moone tho Aef 5:28-31, 33
Sootakiherya sookhweleya sa Mpiipiliyani:
1Sam 25:2, 3, 14-17—Naamwi aari ooreela, Napali aari oowali ni awuuma murima, yeeyo yeerinhe okhala mulopwana oovila wa Apikayeli
Mas 21:9—Omuthanla muchu oothelanano mooheseya ananwerya oneeriha ohikhalano murecele ni ohakalala
Aro 7:2—Murummwa Paulo aahithariha wi vaavaa muthiyana onatheliweiye, onnakhala vathi va nlamulo na iyawe oohiphaameya; mwawiihiiha, muthiyana a miruku onnuupuwelela phaama ahaakumve omuthanla iyawe
Mwiirehererye ntakhara othela naari otheliwa
Ntakhara heeni mulopwana onaphwanela okhala oorehereya ovakulela echoko ahaakumve wuupuwelela othela?
Sootakiherya sookhweleya sa Mpiipiliyani:
Mas 24:27—Mulopwana ahaakumve othela ni okhalano anamwane owo onaphwanela olapaka wi awerye ovakulela echoko
Ntakhara heeni yaale anuuryana anaphwanelaaya waavya malakiheryo a miruku ni weererya osuwelana phaama ohiya pahiru otikitheryeya mu ophwaneliwa?
Sootakiherya sookhweleya sa Mpiipiliyani:
Ruti 2:4-7, 10-12—Powasi aahisuwela wi Ruti aari muthiyana a mukhalelo taani moorweela wa omvarerya phaama apharaka miteko, wiiwa seiho achu oororomeleya yaalocaaya sa yoowo, woona mukhalelo aakhaliheiye amusi awe ni wiiwexexa waakhanle wi aanamusivela Yehova
Ruti 2:8, 9, 20—Ruti aahiiwexexa wi Powasi aari mulopwana a mukhalelo taani, moorweela wa woona oreera wawe murima, mahala ni osivela wawe ntakhara Yehova
Ntakhara heeni Yehova onachuna wi mutheli otitelela okhala aweela variyari va wuuryana ni waakamelana?
Sootakiherya sookhweleya sa Mpiipiliyani:
Mas 5:18, 19—Mikhalelo mikina sa wooniheryana osivela pahiru ti sa yaale athelanne
Nci 1:2; 2:6—Variyari va wuuryana mukukhula ni Sulamita yaanapharihela masu a osivela oohiriipiheya, ohiya masu ooriipiheya anatannya nchuno na okonihana
Nci 4:12; 8:8-10—Sulamita aatitelela okhalano meecelo aweela nave aahooniherya ophimelela; owo aari ntoko emaca yooreera ewaliwe
Ntakhara heeni ti yoophwanelela othela mwawiiwanana ni malamulo a elapo awe?
Murici wa mulopwana othenle
Murici taani mutokweene Yehova omvanheiye mulopwana othenle?
Yootakiherya yawani mulopwana othenle ori Mukristu onaphwaneleiye ochariha vaavaa onahooleleiye ntoko muru wa echoko?
Ntakhara heeni mulopwana onaphwaneleiye wooniherya wi onnaasivela amwaariye nave wi onniiwesesa soothowa ni muupuwelo aya?
Sootakiherya sookhweleya sa Mpiipiliyani:
Map 21:8-12—Naamwi Aparahamu ahisiveliwe ni moonelo wa Sara, owo aahihooleliwa ni Yehova wi aaphwanela weerano yeeyo mwaariye aalonceiye
Mas 31:10, 11, 16, 28—Mulopwana a miruku yoowo orino muthiyana oowerya, hanavareryela yeeyo owo onapakeiye naari omwaavyerya mathowa wa yeeyo onapakeiye, nto moohiyana, owo onnamuroromela ni omuthamalela
Aef 5:33—Masu a murummwa Paulo annooniherya wi muthiyana onnachuna vancipale osuwela wi aiyawe ennamusivela chiryene
Murici wa muthiyana otheliwe
Murici taani woochuneya Yehova omvanheiye muthiyana otheliwe?
Map 2:18; Ako 3:18; Titu 2:4, 5
Apwanne murici wa muthiyana otheliwe onnaapwatiha athiyana?
Map 1:26-28, 31; 2:18
Sootakiherya sookhweleya sa Mpiipiliyani:
Mas 1:8; 1Ako 7:4—Muluku ohaavaha olamulelo wammoori athiyana atheliwe ni asimaayi veemusini
1Ako 11:3—Murummwa Paulo, oothariha wi oothene ahu nri vathi va mukhalelo mukina wa olamulelo, omuhiya pahiru Muluku ahu a Ikuru Soothene, Yehova
Ahe 13:7, 17—Mmulokoni, alopwana vamoha ni athiyana anaphwanela wiiwelelaka ni ochariha ohoolela onavahereryiwa ni yaale anahoolela
Ti mwawiihai Mukristu otheliwe ni muchu oohiroromela oneereiye amuhakalalihe Yehova?
Ntakhara heeni muthiyana otheliwe ori Mukristu onaphwanela waakhalihaka mwa ncicimiho aiyawe?
Sootakiherya sookhweleya sa Mpiipiliyani:
Map 18:12; 1Pet 3:5, 6—Sara aanaakhaliha aiyawe ni ncicimiho nawiiseela, ophiyerya aanaweera “pwiyaka” ophiyerya tho mmuupuweloni mwawe
Muthiyana otheliwe a mukhalelo taani Piipiliya onamuloceiye wi yootakiherya yaphaama?
Sootakiherya sookhweleya sa Mpiipiliyani:
Map 24:62-67—Repeka aahaakhaviherya aiyawe Isaki ophwanya nihakararyo vaavaa amamaaya yaakhwilaaya
1Sam 25:14-24, 32-38—Apikayeli aahiwerya waakhapelela aiyawe oonanara murima ni oothene a veemusini vawe nthowa nawi mwawiiyeviha aahimveka Tavite wi ammorele ikharari
Est 4:6-17; 5:1-8; 7:1-6; 8:3-6—Mwene Amwaamuthiyana Ester aahihela ekumi awe va yawoopiha ikwaha piili wi aloce ni aiyawe yaawo yaari mwene, ahiichaniwe; aaheerano yeeyo wi amveke wi achu a Muluku ekhapeleliwe
Orehererya makacamiho
Malakiheryo taani anahaala omukhaviherya mutheli orehererya makacamiho mu othela?
Malakiheryo taani anahaala omukhaviherya mutheli okhalano moonelo woophimelela vooloca sa ikhorowa?
Luka 12:15; Afi 4:5; 1Tim 6:9, 10; Ahe 13:5
Moone tho “Ikhorowa”
Malakiheryo taani anahaala omukhaviherya mutheli olakelela mukhalelo wa waakhaliha amusi ni asisookoru?
Malakiheryo taani anahaala waahoolela atheli vooloca sa okonihana?
Ntakhara heeni ti woochuneya mutheli otikitheryeya mu mikhalelo saphaama sa mukina ni mukhwaawe ohiya mu soohesa?
Ntakhara heeni ti woochuneya orehererya makacamiho mwawaakuveya ni moosivela, ohiya weemererya wi onyeenyeya ni isara ipacerye mitathaari?
Ntakhara heeni mukhalelo woothene wa isara, waakhulana, masu oophuca ni mukhalelo ori woothene wa ohooxana ti wooheemereryeya wa Akristu?
Vaavaa makacamiho anakhumelelaaya, tuuvi onaphwanela okhala moonelo wa mulopwana othenle naari tho wa muthiyana otheliwe?
Vaavaa Yehova onakhaleiye mathipelo a othela, mareeliho taani atheli anakhalaayano?
Malakiheryo a Muluku ntakhara othela
Malakiheryo taani Yehova onavahereryeiye vooloca sa okonihana ni oothela?
Toovi ori moonelo wa Akristu vooloca sa waaceya?
Nnasuwela hai wi othela onaphwanela okhala wa mulopwana mmoha ni muthiyana mmoha?
Map 2:18, 22, 24; Mat 19:4-6; Aro 1:23-27
Ntakhara heeni mulopwana ni muthiyana anaphwanela otitelela okhalaka vamoha?
Nthowa taani nimoha na Mpiipiliyani nneemererya omwalana?
Yehova onoona hai wakhala wi yaale athelanne aamwalana ohirivo mathowa aweemereryeya a Mpiipiliyani?
Mal 2:13-16