Wuuluulela Exikola ya Orummwa Woomuluku

Makoho anacharela anahaala othokororyiwa va Exikola ya Orummwa Woomuluku esumana ya 27 a Apirili a 2015. Nihiku miyaha seiha ithokororyiwaaya ninnooniheryiwa, wi nwerye wiirehererya wa exikola esumana ti esumana.

1. Mukhalelo taani wa osivela ori weeparipari, nave mmakupa taani a okumi oryaaya wookhweleya? (Rute 1:16, 17) [2 a Mar. w12-T 1/7 epaax. 26 epar. 6]

2. Rute aawenrye hai wooniwa ntoko “muthiyana aphama”? (Rute 3:11) [2 a Mar. w12-T 1/10 epaax. 23 epar. 1]

3. Vaavaa nnahoolela ahu makacamiho, mmukhalelo taani nnahaalaahu ophura yootakiherya ya Ana? (1 Sam. 1:16-18) [9 a Mar. w07-T 15/3 epaax. 16 ipar. 4-5]

4. Vaavaa Samuwele aareiye mukhaani ‘innuwaka vamithoni v’Apwiya’ tiheeni yaamwaakinhe ovoloweliwa ni yootakiherya yoonanara ya anamwane a Eli? (1 Sam. 2:21) [9 a Mar. w10-T 1/10 epaax. 16 ipar. 2-3]

5. Mmukhalelo taani nnahaalaahu ophura okhooca wa Sawuli weera yoonanara vaavaa “amwetxa ni elapo yávathi” yaanyemunlaaya omwene awe? (1 Sam. 10:22, 27) [23 a Mar. w05-T 15/3 epaax. 23 epar. 1]

6. Echu taani yookhweleya nnahuseryaahu orweela wa muupuwelo wooheseya wa Sawuli wa woona mukucho ntoko echu enaraceeliha omwiiwelela Yehova? (1 Sam. 15:22, 23) [30 a Mar. w07-T 15/6 epaax. 26 ipar. 3-4]

7. Ntakhara heeni ti yoolipiha osuwela wi Yehova “anòna murima” wa achu? (1 Sam. 16:7) [6 a Apr. w10-T 1/3 epaax. 23 epar. 7]

8. Moovarihana ni Masiposipo 1:4, tiheeni nryaahuno yeeyo Yehova onaweheryeiye wi nipharihele vaavaa nnahoolelaahu makacamiho? (1 Sam. 21:12, 13) [13 a Apr. w05-T 15/3 epaax. 24 epar. 4]

9. Ntakhara heeni enanwerya olociwa wi Apikayeli haamwaryen’ye wa iyawe vaavaa aamvanheiye yoolya Tavite vamoha ni alopwana awe? (1 Sam. 25:10, 11, 18, 19) [ 20 a Apr. w09-T 1/7 epaax. 20 epar. 3]

10. Apikayeli aaveka nikhurumuwelo wa echu yeeyo aahenryeiye. Nnaphura hai yootakiherya awe? (1 Sam. 25:24) [20 a Apr. w02-T 1/11 epaax. 5 ipar. 1, 4]