Osivela Onnaasuwanyeiha Akristu Eeparipari—Mukhooce Nrima ni Onyeenyeya

NTAKHARA HEENI TI YOOCHUNEYA: Yesu aahusiha wi osivela waahaala waasuwanyeiha oomuchara awe. (Yoh 13:34, 35) Wi nooniherye osivela weekristu, nnaphwanela woonaka mikhalelo saphaama sa akina ni osepa waakuvela okhala oonyeenyeya.—1Kor 13:5.

MUKHALELO WA WEERANO YEELA:

• Vaavaa muchu mukina onaloceiye naari weera echu yoonanara, muupuwelele mathowa emweerinhe, ni sookhumelela sa yeeyo munakhwelaanyu weera.—Masi 19:11.

• Muupuwele wi oothene ahu naachu oohiphaameya, nave wi mu ilukuluku ikina ninnaloca naari weera ichu seiho ohoolo waya nnakhalaahuno ekeerelani.

• Mmalihe ohiiwanana mwawaakuveya.

MOONE EXILEMA ‘MUSIVELANEKE MUKINA NI MUKHWAWE’—MUKHOOCE NRIMA NI ONYEENYEYA, NAVE MWAAKHULE MAKOHO ANACHARELA:

• Lari aakhunle hai moonelo wa Toni?

• Ti mwawiihai wuupuwelela waamukhavihenryaaya Toni osepa okhala awaakuvela onyeenyeya?

• Ti mwawiihai naakhulo noomaaleleya na Toni nimalinhaaya onyeenyeya?