EPIIPILIYOTEKA ya Watchtower
EPIIPILIYOTEKA
ya Watchtower
Elomwe
  • PIIPILIYA
  • SOOLALEERYIWA
  • MITHUKUMANO
  • w20 Maiyu ipaax. 8-11
  • Mamwene Awiicana mu Elukuluku Yookuchula

Henaphwanyeya exilema mu nikupa nenla.

Munikhurumuwele, yookhala ehesen'ye nichunaka owoonihaani exilema ela.

  • Mamwene Awiicana mu Elukuluku Yookuchula
  • Mulipeleli Alaleyaka Omwene wa Yehova (Oomuhuserya)—2020
  • Miyaha Soophwanaphwana
  • “Mwene Oomokoni” mu Elukuluku Yookuchula
    Mulipeleli Alaleyaka Omwene wa Yehova (Oomuhuserya)—2020
  • Taani Ori “Mwene Oomokoni” Mmahiku Ahu?
    Mulipeleli Alaleyaka Omwene wa Yehova (Oomuhuserya)—2020
  • Liivuru a Wupulula Onataphulela Eheeni wa Amwiicani a Muluku?
    Mulipeleli Alaleyaka Omwene wa Yehova (Oomuhuserya)—2022
  • Muhuserye Orweela wa Sooloherya sa Mpiipiliyani
    Mulipeleli Alaleyaka Omwene wa Yehova (Oomuhuserya)—2023
Mulipeleli Alaleyaka Omwene wa Yehova (Oomuhuserya)—2020
w20 Maiyu ipaax. 8-11

Mamwene Awiicana mu Elukuluku Yookuchula

Sooloherya ikina sinalociwa mu ekaaxa yeela, sineereya mu elukuluku emohamoha. Iho inooniherya wi nnakhala mu “elukuluku yookuchula.”—Dan. 12:4.

Ekaaxa enooniherya sooloherya nave enamusuwanyeiha mwene oomokoni ni mwene oohico ovinyerya mu 1870 ophiyerya mmahiku ahu.
  • Ekaaxa 1 ya ikaaxa 4, ennooniherya sooloherya soocharelana sa elukuluku yookuchula nave seiyo seereya ovinyerya mu 1870 ophiyerya mu 1918. Opacerya eyaakha ya 1914 esuweliwe ntoko elukuluku yookuchula. Yooloherya 1: Muru waneethanu napiili wa mwaasinama awoopiha, yoowo ori va eyaakha yoopacerya mu ekaaxa. Ekhoco Etokweene Yoopacerya, muru waneethanu napiili wa mwaasinama onnaphoreihiwa. Ovinyerya mu 1917, muru waneethanu napiili waahipenuwa nave mwaaxinama awoopiha onnakhumelela wanaawiili. Yooloherya 2: Mwene oomokoni onnasuweliwa mu 1871, nave mwene oohico onnasuweliwa mu 1870. Mwene oomokoni onnakhumelela wanaawiili mu 1871 ori Alemanya. Wuupaceryani mwene oohico aasuweliwe ntoko Krapretanya nyenya mu 1917 aahiraceeliwa ni Olamulelo Woowerya wa Elapo Yoothene Ankolo-Amerikana. Yooloherya 3: Ovinyerya mu 1870, Charles T. Russell ni asinthamwene awe annasuweliwa ntoko ‘murummwa.’ Omapacereryo wa eyaakha ya 1880 achu yaawo yaamwaalakhannye ‘A Torre de Vigia de Sião’ yaahiceenyeryeya olaleerya michaka saphaama. Yooloherya 4: Ovinyerya mu 1914, elukuluku ya ohepha. Ntakataka ninnavalaanyiwa ni tiriku. Yooloherya 5: Ovinyerya mu 1917, inaani sa muthipo ipwexiheryiwe ni oloko. Navetho ennakhumelela: Saweereya sa elapo yoothene ovinyerya mu 1914 ophiyerya mu 1918, Ekhoco Etokweene Yoopacerya. Saweereya seiho saavolowenle achu a Yehova: Ovinyerya mu 1914 ophiyerya mu 1918, Oohuserya a Piipiliya o Krapretanya ni Alemanya yaahiwaleliwa mukariposo. Mu 1918, anna o nipuro ntokotoko na Anamoona a Yehova o Estatu Unitu yaahiwaleliwa.
    Yooloherya 1.

    Yoorepa naari soorepa Wup. 11:7; 12:13, 17; 13:1-8, 12

    Yooloherya “Mwaaxinama awoopiha” ohaalamulela achu veelaponi mu iyaakha sincipale. Mu elukuluku yookuchula muru wa neethanu napiili wa mwaasinama onnaphoreihiwa. Voocharela, muru onnapenuxiwa, nave “achu oothene” yaamuchara. Nave Satana onnampharihela mwaaxinama yoowo ‘wi ewane ni anamwane a muthiyana.’

    Waakhwanela Evinre Maahi Mancipale alamuleli yaawo yaari amwiicani a Yehova yaanaalamulela achu. Ivinrevo iyaakha opwaha 3.000, variyari va Ekhoco Etokweene Yoopacerya omwene wo Krapretanya waahiyeleela owerya waya. Omwene wo Kra-pretanya waahilipa wanaawiili vaavaa waaphitannaaya ni Estatu Unitu. Xaxaxa mu elukuluku yeela yookuchula, Satana onnapharihela marehereryo a epoliitika wi awiikare achu a Muluku.

  • Yooloherya 2.

    Yoorepa naari soorepa Dan. 11:25-45

    Yooloherya Wiicana wa mwene oomokoni ni mwene oohico variyari va elukuluku yookuchula.

    Waakhwanela Alemanya onnawana ekhoco ni Ankolo-Amerikana. Mu 1945 Uniyawu Soviyetika vamoha ni akhaviheryi awe yaahikhala mwene oomokoni. Mu 1991 Uniyawu Soviyetika aahipwata, nave ohoolo waya, Rusiya ni akhaviheryi awe yaahikhala mwene oomokoni.

  • Yooloherya 3.

    Soorepa naari soorepa Isa. 61:1; Malak. 3:1; Luka 4:18

    Yooloherya Yehova onnamurumiha “murummwa” awe wi ‘arehererye ephiro’ ohaakumve otikitheryiwa Omwene wa Mesiya. Nikhuuru nla ninnapacerya ‘olaleerya michaka yaphaama wa oohaawa.’

    Waakhwanela Ovinyerya 1870 C. T. Russell ni asinthamwene awe yaanamuhuserya Piipiliya moowetha wi esuwele yeeyo Piipiliya aahusiheiye chiryene. Variyari va eyaakha ya 1880 awo yaahipacerya waaceenyerya alapeli a Muluku wi elaleeryeke. Awo yaahipacerya olaleya miyaha ntoko “Precisa-se de mil pregadores” ni “ungido para pregar.”

  • Yooloherya 4.

    Yoorepa naari soorepa Mat. 13:24-30, 36-43

    Yooloherya Mwiicani onnaala ntakataka mu emaca ya tiriku nave ntakataka ninneemereryiwa wunnuwa vamoha ni tiriku ophiyerya elukuluku yoohepha, voocharela ntakataka ninnavalaanyiwa ni tiriku.

    Waakhwanela Ovinyerya mu 1800 Akristu eeparipari yaahipacerya okhala oohiyana ni Akristu oowoka. Variyari va elukuluku yookuchula, Akristu eeparipari aathukumanyiwa vamoha nave aavalaanyiwa ni Akristu oowoka.

  • Yooloherya 5.

    Yoorepa naari soorepa Dan. 2:31-33, 41-43

    Yooloherya Inaani sa muthipo ni oloko ti sa eruku yeeyo epakiwe ni mithipo soohiyanahiyana.

    Waakhwanela Oloko onaweemelela achu oomwaryeya awunlaana yaawo yaalamuleliwa ni Krapretanya ni Estatu Unitu. Nthowa na achu yaala, alamuleli ala haawerya opharihela mwawaakhwanela owerya waya.

  • Ekaaxa 2 ya ikaaxa 4, ennooniherya sooloherya soocharelana sa elukuluku yookuchula nave seiyo seeren’ye ovinyerya mu 1919 ophiyerya 1945. Alemanya aasuweliwe ntoko mwene oomokoni ophiyerya mu 1945. Olamulelo Woowerya wa Elapo Yoothene Ankolo-Amerikana osuweliwe ntoko mwene oohico. Yooloherya 6: Mu 1919, Akristu oothanliwa yaahithukumanyiwa mmuloko weelihiwe. Ovinyerya mu 1919, muteko woolaleerya waahaaceereryeya nave onnatitelela. Yooloherya 7: Mu 1920, Maloko Awiiwanana annooneya nave annatitelela okhala ophiyerya omapacereryo wa Ekhoco Etokweene Yanaawiili. Navetho ennakhumelela: Yooloherya 1, muru waneethanu napiili wa mwaaxinama awoopiha, onnatitelela okhala. Yooloherya 5, inaani sa muthipo ni oloko, sinnatitelela okhala. Saweereya sa elapo yoothene ovinyerya mu 1939 Ophiyerya 1945, Ekhoco Etokweene Yanaawiili. Saweereya sinnaavolowela achu a Yehova: O Alemanya ovinyerya mu 1939 ophiyerya mu 1945, Anamoona a Yehova oopwaha 11.000 yaahiwaleliwa mukariposo. O Krapretanya ovinyerya mu 1939 ophiyerya mu 1945, Anamoona a Yehova awaacamela 1.600 yaahiwaleliwa mukariposo. O Estatu Unitu ovinyerya mu 1940 ophiyerya mu 1944, achu a nlala yaahaahiphela Anamoona a Yehova opwaha ikwaha 2.500.
    Yooloherya 6.

    Soorepa naari soorepa Mat. 13:30; 24:14, 45; 28:19, 20

    Yooloherya “Tirigo” sinnathukumanyiwa “vatathani” nave “namuteko oororomeleya ni a miruku” oothanliwa wi akhale “mutokweene.” “Michaka yeela ya omwene” sinnapacerya olaleiwa “mweelapo yoothene yookhalamo achu.”

    Waakhwanela Mu 1919 namuteko oororomeleya onnathanliwa variyari va achu a Muluku. Ovinyerya mu elukuluku yeele, oohuserya a Piipiliya yaanalaleerya moopwahaxa. Olelo Anamoona a Yehova annalaleerya mu ilapo soopwaha 200 nave annakumiha soolaleeryiwa mu ilocelo opwaha 1.000.

  • Yooloherya 7.

    Yoorepa naari soorepa Dan. 12:11; Wup. 13:11, 14, 15

    Yooloherya Mwaaxinama awoopiha a manyaka meeli onnaalamulela achu a veelaponi yavathi “wi epake eruku emucicimihaka mwashinama,” nave mwaaxinama ‘onnavaha nwiya eruku.’

    Waakhwanela Krapretanya ni Estatu Unitu yaahipaceryiha Waataana wa Maloko. Marehereryo yaala anakhaviheryiwa ni maloko makina. Ovinyerya mu 1926 ophiyerya mu 1933, mwene oomokoni aahipaka makupa mu Waataana wa Maloko. Achu yaaneemererya wi Waataana wa Maloko waahaala oruuha murecele yoowo pahiru oni oweryeye ni Omwene wa Muluku. Achu yaaneemererya tho wi Maloko Awiiwanana yaahaala oruuha murecele.

  • Ekaaxa 3 ya ikaaxa 4, ennooniherya sooloherya soocharelana sa elukuluku yookuchula nave seiyo saakhwanenle mu 1945 ophiyerya mu 1991. Uniyawu Soviyetika ni akhaviheryi awe aasuweliwe ntoko mwene oomokoni mu 1991, nave voocharela Rusiya ni akhaviheryi awe tori mwene oomokoni. Olamulelo Woowerya wa Elapo Yoothene Ankolo-Amerikana osuweliwe ntoko mwene oohico. Yooloherya 8: Mwiixi onakumihiwa ni akapuchi atokotoko, oneemelela otoloxa otokotoko wa Olamulelo Woowerya wa Elapo Yoothene Ankolo-Amerikana. Yooloherya 9: Maloko Awiiwanana annapacerya mu 1945, onnaraceeliwa ni Waataana wa Maloko. Annasuweliwa tho: Eruku 1, muru waneethanu napiili wa mwaaxinama onnatitelela okhala. Yooloherya 5, inaani sa muthipo ni oloko, sinnatitelela. Yooloherya 6, mu 1945 alaleeryi oopwaha 156.000. mu 1991, alaleeryi opwaha 4.278.000. Saweereya inaavolowela achu a Yehova: O Uniyawu Soviyetika ovinyerya mu 1945 ophiyerya 1950 macikhwi a Anamoona a Yehova yaahikerihiwa o Siperiya.
    Yooloherya 8.

    Yoorepa naari soorepa Dan. 8:23, 24

    Yooloherya Mwene oowali onnaruuha “otolosha . . . wootikhiniha.”

    Waakhwanela Krapretanya ni Estatu Unitu yaahitoloxa ichu moomalela. Ntoko yootakiherya, variyari va Ekhoco Etokweene Yanawiili, Estatu Unitu yaahaaphuwiha akapuchi atokotoko eeli wa nloko nenlo niicana ni Krapretanya vamoha ni Estatu Unitu. Akapuchi awo yaahitoloxa ichu sincipale waapwaha akapuchi akina.

  • Yooloherya 9.

    Yoorepa naari soorepa Dan. 11:31; Wup. 17:3, 7-11

    Yooloherya “Mwaaxinama oophilivila” yoowo orino manyaka khumi onnakhuma mmukotini wawiixa nave tori mwene aneethanu nararu. Liivuru a Daniyeli onamuloca mwene owo ntoko “ichu soothanyeya sootolosha.”

    Waakhwanela Variyari va Ekhoco Etokweene Yanawiili, Waataana wa Maloko waahimala. Emanle ekhoco Maloko Awiiwanana yaahipacerya olamulela. Hiiha ntoko Waataana wa Maloko, Maloko Awiiwanana yaahaakhela ncicimiho nenlo nnaphwanela ovahiwa Omwene wa Muluku. Maloko Awiiwanana anahaala ohiphela malapelo.

  • Eruku 4 mwa iruku 4, ennooniherya sooloherya soocharelana sa elukuluku yookuchula nave seiyo saakhwanenle mmahiku ahu ophiyerya mu ekhoco ya Armaketo. Rusiya ni akhaviheryi awe annasuweliwa ntoko mwene oomokoni. Olamulelo Woowerya wa Elapo Yoothene Ankolo-Amerikana osuweliwe ntoko mwene oohico. Yooloherya 10: Alamuleli a elapo annalokoha ‘murecele ni ohuukhuwa.’ Voocharela, yoohooxa etokotoko ennapacerya. Yooloherya 11: Maloko annahiphela malapelo atheru. Yooloherya 12: Alamuleli a elapo annaahiphela achu a Muluku. Anna oothanliwa ahanle veelaponi annathukumanyiwa wiirimu. Yooloherya 13: Armaketo. Yoowo onwenle kavalo aweela onnavootha. Muru waneethanu napiili wa mwaaxinama awoopiha onnatoloxiwa, nave eruku etokotoko ennanyaanyiwa inaani saya sa muthipo ni oloko. Ennasuweliwa tho: Yooloherya 1, muru waneethanu napiili onnatitelela ophiyerya mu ekhoco ya Armaketo. Yooloherya 5, inaani sa muthipo ni oloko sinnatitelela okhala ophiyerya mu ekhoco ya Armaketo. Yooloherya 6, mmahiku ahu alaleeryi oopwaha 8.580.000. Saweererya inaavolowela achu a Yehova: mu 2017, Alamuleli o Rusiya ahaawalela Anamoona a Yehova mukariposo nave aawala efiliyale, Ipa sa Omwene ni sa Muthukumano wa ekulucu.
    Sooloherya 10 ni 11.

    Yoorepa naari soorepa 1 Tes. 5:3; Wup. 17:16

    Yooloherya Maloko annalaleya ‘murecele ni wiichaala,’ nave “mwaashinama” ni “manyaka khumi” onnamuhiphela “namararuwe nave onnamutoloxa.” Emanle weereya yeela maloko annatoloxiwa.

    Waakhwanela Maloko anahaala oloca wi aaruuha murecele ni wiichaala mweelapo. Voocharela, maloko yaawo anapaka makupa mu Maloko Awiiwanana anahaala otoloxa marehereryo a malapelo. Ala anahaala okhala mapacereryo a yoohooxa etokotoko. Yoohooxa yeela enahaala omala vaavaa Yesu onahaaleiye otoloxa elapo yeela ya Satana mu Armaketo.

  • Yooloherya 12.

    Yoorepa naari soorepa Ezek. 38:11, 14-17; Mat. 24:31

    Yooloherya Koki onnahiphela elapo yaachu a Muluku. Voocharela ankeelo annaathukumanya “oothanliwa.”

    Waakhwanela Mwene oomokoni, vamoha ni alamuleli akina eelapo annaahiphela achu a Muluku. Ohiphela wuuwu omanle opacerya, oothanliwa yaawo ahanle veelaponi anahaala othukumanyiwa wirimu.

  • Yooloherya 13.

    Yoorepa naari soorepa Ezek. 38:18-23; Dan. 2:34, 35, 44, 45; Wup. 6:2; 16:14, 16; 17:14; 19:20

    Yooloherya ‘Mulipa oomweeciha kavalo aweela’ onahaala waakhwaniha ‘ovootha’ wawe moorweela wa omutoloxa Koki ni akhoco awe. “Mwaashinama” ‘onnariheliwa munchiyani na mooro,’ nave nluku ninnanyaanya eruku etokweene.

    Waakhwanela Yesu, Mwene a Omwene wa Muluku, onahaala waavuluxa achu a Muluku. Yesu ni a 144.000 vamoha ni ankeelo anahaala otoloxa maloko yaawo eni yaahiphele achu a Muluku, nave awo anaya okhala makuchuwelo a elapo ya Satana

    Soolaleeryiwa sa Lomwe (1995-2024)
    Okhumavo
    Ovolowa
    • Elomwe
    • Ovaha
    • Orehererya
    • Copyright © 2025 Watch Tower Bible and Tract Society of Pennsylvania
    • Malakiheryo a Opharihela
    • Malakiheryo a Sookhuweya
    • Configurações de Privacidade
    • JW.ORG
    • Ovolowa
    Ovaha