BIBLIOTECA IPAN INTERNET Watchtower
Watchtower
BIBLIOTECA IPAN INTERNET
náhuatl de guerrero
  • BIBLIA
  • AMATLAJKUILOLTIN
  • TLANECHIKOLTIN
  • 1 Corintios 11
  • Biblia. ITlajtol toTajtsin. Mateo-Apocalipsis

Xonka video tlen otiktlapejpeni.

Xtechtlapopolui, xueli tlapoui video.

Tlen kipiya 1 Corintios

      • “Xchiuakan ijkon ken nejua” (1)

      • Tlen noneki kichiuaskej akin tlayekanaj; niman kinnauatiaj siuamej manokuatlapachokan (2-16)

      • Nosentlaliaj para tlakuaskej niman ijkon kilnamikiskej toTeko (17-34)

1 Corintios 11:3

Notas

  • *

    Ika griego kijtoua “itsontekon”.

Índices

  • Tlen kinpaleuiya

    Amatl Tekakistilijketl,

    1/11/2015, pág. 23

1 Corintios 11:5

Índices

  • Tlen kinpaleuiya

    Itlasojtlalis toTajtsin, págs. 209, 210

1 Corintios 11:10

Índices

  • Tlen kinpaleuiya

    Itlasojtlalis toTajtsin, pág. 211

1 Corintios 11:20

Notas

  • *

    Ika griego kijtoua “iCena toTeko”.

1 Corintios 11:21

Notas

  • *

    Noso “sanoyej yokonikej”.

1 Corintios 11:27

Índices

  • Tlen kinpaleuiya

    Amatl Tekakistilijketl,

    1/2016, pág. 23

1 Corintios 11:30

Notas

  • *

    Yejuin xkijtosneki tla yemelak omikkej, kijtosneki ika xok nouikayaj iuan toTajtsin.

  • Biblia. ITlajtol toTajtsin. Mateo-Apocalipsis
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 32
  • 33
  • 34
Biblia. ITlajtol toTajtsin. Mateo-Apocalipsis
1 Corintios 11:1-34

1 Corintios

11 Xchiuakan ijkon ken nejua, ijkon ken nejua nikchiua ken Cristo.

2 Melak kuajli tlen nenkichiuaj pampa nochipa nennechilnamikij niman nenkichiuaj tlen onimechititi. 3 Pero nikneki xmatikan ika Cristo kinyekana* nochimej tlakamej, tlakatl kiyekana siuatl niman toTajtsin kiyekana Cristo. 4 Tla se tlakatl nokuatlapachoua ijkuak kichiua oración noso kinteneua teotlajtoltin, kipinajtia akin kiyekana. 5 Pero ijkuak se siuatl xnokuatlapachoua ijkuak kichiua oración noso kinteneua teotlajtoltin, kipinajtia akin kiyekana. Pampa yeskia kentla tla noximaskia. 6 Pampa tla se siuatl xkineki nokuatlapachos, nonekis kinotekilis itson ken se tlakatl. Pero, tla yejon siuatl pinaui kinotekilis itson ken se tlakatl noso noximas, kuakon noneki nokuatlapachos.

7 Tlakatl xnoneki nokuatlapachos pampa toTajtsin okichijchiuj para maueli matlayekana ken yejua niman para makiteititi iueyilis toTajtsin. Pero, siuatl kiteititia iueyilis tlakatl. 8 Pampa toTajtsin okichiuj ika siuatl maualeua itech se tlakatl niman xokichijchiuj ika tlakatl maualeua itech se siuatl. 9 ToTajtsin xokichijchiuj tlakatl para on siuatl, yejua okichijchiuj siuatl para on tlakatl. 10 Yejua ika, siuatl noneki nokuatlapachos para kiteititis ika kinokauilia ika tlakatl makiyekana, pampa on ángeles kualitstokej.

11 Pero, para akin kichiuaj ken toTeko, siuatl xueliskia nemis tla xnemiskia tlakatl niman tlakatl xueliskia nemis tla xnemiskia siuatl. 12 Pampa ijkon ken siuatl ualeuaj itech tlakatl, noijki, tlakatl uajnemi itech se siuatl. Pero nochi ualeua itech toTajtsin. 13 San no nemejuamej xkijtokan tla yompa ika se siuatl xnokuatlapachoua ijkuak kichiuilia oración toTajtsin. 14 ¿Xnenkimatij ika tepinajti tla se tlakatl tsonueueyak? 15 Pero tla se siuatl tsonueueyak kichiua makitlakaitakan, pampa yejua okimakakej itson para ika manokuatlapacho. 16 Yakaj uelis kinemilis ika se siuatl xnoneki manokuatlapacho, pero tejuamej niman itlanechikoluan toTajtsin xijkon titlanemiliaj.

17 Pero, yejuin xkijtosneki tla kuajli tlen nenkichijtokej. Nimechijlijtika pampa nemejuamej xnemosentlaliaj para nemopaleuiskej, nemosentlaliaj para nemoijtlakoskej. 18 Yonechijlijkej ika ijkuak nemosentlaliaj ipan tlanechikojli, nemejuamej nemoxejxelouaj. Niman yejuin kema nikneltoka. 19 Pampa sekimej akin nemouan nemij noxeloskej para manesi akinomej kinselia toTajtsin.

20 Ijkuak nemejuamej nemosentlaliaj, xnemosentlaliaj para nentlakuaskej niman ijkon nenkilnamikiskej toTeko.* 21 Pampa achto ika nemosentlaliskej, nemejuamej nentlakuaj nemochan. Yejua ika, sekimej apismikij niman oksekimej yotlauankej.* 22 ¿Xnenkipiyaj kaltin kampa nentlakuaskej niman itlaj nenkoniskej? ¿Noso xnenkipatiojkaitaj itlanechikol toTajtsin niman nenkinpijpinajtiaj akin xtlaj kipiyaj? ¿Tlenon uelis nimechijlis? ¿Noneki nimechijlis ika kuajli tlen nenkichiuaj? Ka, xkinamiki ijkon manimechijli.

23 Nejua onimechititi tlen toTeko onechmachti. Ika ipan yejon yeuajli ijkuak kitemakaskiaj toTeko Jesús, yejua okajsik se pan 24 niman, ijkuak yokitlasojkamachili toTajtsin, okitlatlapan on pan niman ijkin okijto: “Yejuin kijtosneki notlalnakayo tlen niktemakatika para nimechpaleuis, ijkon xchijtokan para nennechilnamikiskej”. 25 Noijki, ijkon okichiuj ika copa satepan ika yotlakuajkej, niman ijkin okijto: “Yejuin copa kijtosneki ken yenkuik yoninotlajtolkauj, tlen nochiua ika noyesyo niman tlen toyauis para mechpaleuis. Ijkon xchijtokan para nenkiteititiskej ika nennechilnamikij nochipa ijkuak ijkon nenkichiuaskej”. 26 Pampa ijkuak nenkikuaskej yejuin pan niman nentlaoniskej ipan yejuin copa, nenkiteijlijtoskej hasta ijkuak toTeko uajlas, ika yejua omik.

27 Yejua ika, tla yakaj kikua pan noso tlaoni ipan icopa toTeko maski xkinamiki, kitlajtlakoltiskej pampa xkitlakaita itlalnakayo niman iyesyo toTeko. 28 Kachtopa san no yejua manoita niman makita tla kuajli nemi. Tla ijkon yokichiuj, aman kema uelis kikuas pan niman tlaonis ipan copa. 29 Pampa akin tlakua niman tlaoni pero xkasikamati tlenon kijtosneki itlalnakayo toTeko, san no yejua kichijtok ika toTajtsin makitlajtlakolmaka. 30 Yejua ika, miyekej de nemejuamej xnenkojtikej niman nenkualoj, niman miyekej miktokej.* 31 Pero, tla san no tejuamej tikitaskiaj kenon tinemij, xtechtlajtlakolmakaskiaj. 32 Ijkuak Jehová techtlajtlakolmaka, techyektlalia para maka techtlajtlakolmakaskej imiuan akin nemij ipan yejuin mundo. 33 Kuakon, nokniuan, xkinchiakan oksekimej ijkuak nentlakuaskej para nenkilnamikiskej toTeko. 34 Tla yakaj apismiki, matlakua ichan para maka kitlajtlakolmakaskej ijkuak nemosentlaliskej. On okseki tlen poliui, nikonyektlalis ijkuak ompa najsis.

Amatlajkuiloltin ika Náhuatl de Guerrero (2006-2025)
Nikisas
Nikalakis ika nocuenta
  • náhuatl de guerrero
  • Xtetitlanili
  • Ken tikneki manesi
  • Copyright © 2025 Watch Tower Bible and Tract Society of Pennsylvania
  • Ken noneki notekitiltis
  • Ken notlajpiyaj modatos
  • Xpatla ken notekitiltiaj modatos
  • JW.ORG
  • Nikalakis ika nocuenta
Xtetitlanili