TLAJTOLTILISTLI 2
¿Kenon uelis tikixmatis toTajtsin?
“Yejuin amoxtli tlen kipiya tlanauatiltin xkipiya ika nejkuanis ipan mokamak, niman ika tonajli niman ika yeuajli tikpouas, san ika, xchikauak kakistis, niman ijkon tikitas kenon kuajli tikchiuas ijkon ken ompa yonoijkuilo; pampa kuakon kuajli tonkisas ipan moojui niman tikpiyas tlamachilistli.”
(Josué 1:8)
“Niman ok chikauak kipoujtoyaj yejuin amoxtli, iTlanauatil toTajtsin akin melauak, kuajli kitetomiliayaj niman kiteijliayaj tlen kijtosneki; kuakon okinpaleuijkej tlaltikpakchanejkej makasikamatikan tlen kipoujtoyaj.”
(Nehemías 8:8)
“Nemi ika yolpakilistli akin xkinkaki intlajtoluan yejon tlakamej akin xkuakualtin [...]. Tlen kema, yolpaki itech itlanauatil Jehová, niman ika tonajli niman ika yeuajli kipoua itlanauatil, san ika, xchikauak kakisti [...], niman nochi tlen kichiua kuajli onkisas.”
(Salmo 1:1-3)
“Niman Felipe okinisiuij [etíope] niman o[ki]kak ika nomachtiaya on itlajkuilolamau on tiotlajtojketl Isaías. Niman okitlajtoltij, okijlij: ‘¿Tikajsikamati on tlen timomachtia?’[.] Niman yejua okinankilij: ‘¿Kenijki, tej, nikajsikamatis tla xakaj nechmachtia?’.”
“Nochi tlen [toTajtsin] itekiuj yejuan xtikitaj ueli tikmatij itechkopa on tlajtlamach yejuan okitlalij. [...] Ijkuak [yejuin] tlaltikpaktli okitlalij, kuajli pantlantitikaj ika yejua [toTajtsin] niman ika [ikojtilis] xkeman tlamis.”
“Maka xmotelti, yej san ika xmokaua ipan [yejuin] tlajtlamach para makitakan nochimej kenijki ika nochi tlen kuajli tiueyixtiuj.”
“Matiknemilikan kenijki uelis tikinyoleuaskej oksekimej para manotlajsojtlakan se iuan okse [...]. Niman maka noijki matikchiuakan ken sekimej [...] [akin] xok nosentlaliaj touan.”
“Tla semej nemejuamej xnenkimatij on tlen kuajli nenkichiuaskej, xtlajtlanilikan Dios [...] [tlamachilistli], niman yejua mechmakas.”