Tlen techpaleuis matiyolpakikan
“Melak ninajmana ijkuak nikita kenon kintlajyouiltiaj kokonej, ika onka guerras, ika miyekej kualoj niman xkipiyaj miyek tomin. San ika, nechyolpaktia ika xnochipa ijkon yes” (RANI).a
Rani melak oyolpak ijkuak okimat ika toTajtsin, akin nochi ueli kichiua, uelis kuajli techyekanas. Ijkuak tikpouas yejuin revista, xkita kenon toTajtsin techpaleuiya matikchiuakan yejuin:
Matiyolpakikan iuan tofamilia.
Kuajli matouikakan imiuan oksekimej.
Matipakikan san ika tlen tikpiyaj.
Matikasikamatikan tleka titlajyouiyaj niman timikij.
Matikmatstokan ika más kuajli tinemiskej ika tlayekapan.
Kuajli matikixmatikan toTajtsin niman iuan matouikakan.
Noijki tikitas ika toTajtsin kineki kinmachtis nochimej akin itech nonisiuiyaj.
a Tokayomej yonopatlakej.