Parte 4
Kachtopa tekiuaj ipan Israel niman ontlami ijkuak israelitas kinuikaj Babilonia
Saúl, yejua akin kachtopa okitlalijkej kentla tekiuaj ipan Israel. San ika, Jehová okikixti kentla tekiuaj, niman okitlapejpeni David. Tikitaj miyek tlemach itech David. Ijkuak telpochtli katka, okixnamik Goliat akin melak uejkapan. Sakin, okicholouili Saúl. Kuakon Abigail se siuatl akin melak kualtsin, okitsakuili maka makichiua tlen xkuajli.
Noijki tiuelij itech Salomón ikoneuj David, akin okitekipatlak itaj kentla tekiuaj. Kachtopa yeyimej akin otekiuajtikej ipan Israel, sesentemej otlayekankej 40 xiujtin. Ijkuak omik tekiuaj Salomón, israelitas onotlajkoxelojkej, se tekiuajyotl onkatka ika tlakpak niman okse ika tlatsintlan.
Tekiuajyotl tlen onkatka ika tlakpak, kampa nemiyaj majtlaktli uejueyimej familias, ouejkauj 257 xiujtin, niman sakin asirios okipopolojkej. Kuakon, opanok 133 xiujtin, niman tekiuajyotl tlen onkatka tlatsintlan, kampa nemiyaj ome uejueyimej familias noijki okipopolojkej. Aman israelitas okinuikakej Babilonia. Ijkon ipan Parte NAUI panoua 510 xiujtin, niman ipan nochi yejon xiujtin tomachtiskej miyek tlen kuajli.