Tlen mitspaleuis kuajli xmomachti yejuin amatlajkuilojli
Xmomachti iuan se iteixpantijkauj Jehová. Uelis tikijlis akin omitsmakak yejuin folleto mamitsmachti, noso xtlajtlani ipan jw.org yakaj mamitsmachtiti.
PARTE 1
Xkinamapoua nochi párrafos. Xkita ika seki tlajtoltilistin onotlalilijkej números (A) niman onoijkuilojkej ika letras kapotstikej tlen kijtouaj seki textos (B), ijkon nimantsin tikmatis tlen noneki tikasikamatis. Ipan seki textos tlen uajlauej ipan yejuin parte uajnestiuj ika noneki tikimitas.
PARTE 2
Kampa peua sección “Okseki xkasikamati” onka se párrafo tlen techijlia tlenon más noitas ipan tlamachtijli (C). Subtítulos tlen kipiyaj números techijliaj tlen noneki tikasikamatiskej (D). Xkita tlen kijtouaj textos, xkinnankili tlajtoltilistin niman xkimita videos (E).
Xkimita tlaixkopinaltin niman noijki xkita tlen ompa ijkuiliujtika (F), noijki xnemili kenijki tiknankiliskia tlen uajnestiuj ipan sección “Sekimej kijtouaj” (G).
PARTE 3
Itlamiyan tlamachtiltin uajnestiuej secciones “Tlen otiuel” niman “¿Kenon titlanankiliskia?” (H). Xkijkuilo tlen tonajli otitlan timomachtia se tlamachtijli. Tlen noijtoua ipan recuadro “Xchiua yejuin” mitspaleuis xchiua tlen tiueltiuj ipan yejuin amatlajkuilojli (I). Ipan sección “Okseki xkita” uajnestiuej seki videos niman seki amatlajkuiloltin tlen uelis tikimitas (J).
Ken uelis tiknextis se texto ipan Biblia
Ijkuak noteneuaj textos itech Biblia, kachtopa uajnestiuj ken itoka libro (A), sakin uajnestiuj capítulo (B) niman sa ika tlami uajnestiuj versículo noso versículos (C). Kuakon, Juan 17:3 kijtosneki “libro de Juan, capítulo 17, versículo 3”.