Itech tlen tlajtos
TLEKA ONOCHIJCHIUJ YEJUIN AMATLAJKUILOJLI
Jehová kimijlia itekipanojkauan makitejtemojtokan tlaixmatilistli niman asikamatilistli ken itlaj tlen “patioj niman iyantok” (Prov. 2:1-5). Yejuin kijtosneki, ika noneki melak tochikauaskej niman ijkon uelis tiknextiskej tlen totlajtoltiaj itech Biblia niman tlen techajmana ipan tonemilis. Yejuin Tlen kinpaleuiya ika nomachtiaj iteixpantijkauan Jehová mitspaleuis tiknextis tlen tiktejtemoua.
Yejuin amatlajkuilojli xkipiya nochi tlamachtiltin tlen onka ipan toamatlajkuiloluan. San ika, yejuin tlamachtiltin mitsontitlanij ipan amatlajkuiloltin kampa onka tlen tiktejtemoua niman yonotlajtolkuepkej ika náhuatl de Guerrero, itech xiuitl 2007 ika tlayekapan.
KENIJKI TIKTEJTEMOS
Kachtopa, xkita Tlen kipiya tlen uajlauj ipan okse página niman xtlapejpeni tlamachtijli tlen tiknemilia kipiyas tlen tiktejtemoua. Tlen tiknextis tlatsintlan mitspaleuis nimantsin tiknextis tlen tikneki. Kanaj nonekis tikimitas okseki tlamachtiltin niman ijkon tiknextis tlen tiktejtemoua.
Ika ome, xuiya ipan página tlen mitsontitlani kampa tiknextis ken okintokayotijkej artículos noso capítulos tlen tlajtouaj itech yejon tlamachtijli, uelis tiktlajpejpenis tlen tejua tiknekis niman tikintejtemos amatlajkuiloltin tlen tikinpiya mochan ipan mocelular, motableta noso ipan biblioteca tlen onka ipan Kajli kampa Tosentlaliaj. Maski kanaj nesis ika ken okintokayotijkej artículos noso capítulos xsan noijki tlajtoskej, san ika, ipan tlamachtijli tlen onka ipan yejon amatlajkuilojli kema tiknextis tlen tikneki tikmatis. Noijki, kampa tlami amatlajkuilojli, tiknextis okse tlen kipiya tlen kipaleuiya tlen onka kampa peua amatlajkuilojli.
Tla tejua tiktejtemojtok tlenon kijtosneki se tlaxelojli pitentsin itech Biblia, xuiya kampa kijtoua “Kitomaj tlaxeloltin itech Biblia”. Ompa san nesij tlaxeloltin pitentsitsintin tlen ipan amatlajkuiloltin yokijtokej tlenon kijtosneki.
Maka xkilkaua ika tiktejtemojtok tlen “patioj niman iyantok”, kuakon yejon kijtosneki tikxelos tonajli niman timochikauas. Maka nimantsin xmosiaujkaua niman san ijkon tiknextis tlanankilistli noso tlayekanalistli tlen tikneki. Tla melak tijkui yejuin Tlen ika nomachtiaj, xmitstekiyomakas niman tikuelitas pampa tiknextis tlen tikneki. Kuajli xmatsto ika Jehová mitsteochiuas pampa kitas ika timokojtilia tiktejtemoua tlen tikneki niman noijki mitsmakas tlamachilistli niman asikamatilistli (Prov. 2:6; 4:5).
TLEN KIJTOSNEKI:
❐ = kinpiya miyek artículos
sec. = subtítulo, sección, noso apartado
párr. = párrafo
cap. = capítulo
pág. noso págs. = página noso páginas
núm. = número
12/2004 = metstli/xiuitl
1/2/2010 = tonajli/metstli/xiuitl