TLAJTOLTILISTIN ITECH BIBLIA
¿Uelis popoliuis apistli ipan tlaltikpaktli?
¿Kenon toTajtsin kipopolos apistli tlen onka ipan tlaltikpaktli? (Mateo 6:9, 10)
Miyekej tlaltikpakchanejkej mikij nochi xiuitl pampa xtlakuaj niman ipampa kokolistin tlen kinmajsi pampa xtlaj tlen kikuaskej. Maski melak miyek países kipiyaj miyek tomin, melak miyekej tlaltikpakchanejkej tlajyouiyaj pampa xkipiyaj tlen ika nopanoltiskej. Biblia kijtoua ika apistli nochipa yokintlajyouilti tlaltikpakchanejkej. (Xpoua Juan 12:8.)
Noneki se tekiuaj tlen makiyekana nochi tlaltikpaktli niman nochimej makinxexelouili ken kinamiki. San ijkon uelis popoliuis apistli. Yejuin tekiuaj noijki noneki makipopolo guerras, pampa yejuin kichiua maonia apistli. Yejon tlen toTajtsin kijtoua kichiuas iTekiuajyo. (Xpoua Daniel 2:44.)
¿Akinon uelis kipopolos apistli?
ToTajtsin yokitlapejpeni iKoneuj, Jesucristo, niman yejua makinyekana tlaltikpakchanejkej (Salmo 2:4-8). Jesús kinpaleuis akin xkipiyaj tlen ika nopanoltiskej niman kipopolos tlen xkuajli niman kichiuas maka yakaj matetlajyouilti. (Xpoua Salmo 72:8, 12-14.)
Jesucristo, “iKoneuj Tekiuaj akin kuajkuis Yolseuilistli”, kichiuas ika nochiuiyan ipan tlaltikpaktli manemilo ika inyojlo. Kuakon, nochimej tlaltikpakchanejkej kipiyaskej inchan, tekitl tlen kinyolpaktis niman miyek tlakuajli. (Xpoua Isaías 9:6, 7; 65:21-23.)