Matoyolchikauakan se iuan okse matikchiuakan kuajli tekitl

Hebreos 10:​24 techyolchikaua “ma tiknemilikan ken ijki uelis [to]yoleuaskej [iuan] oksekimej para ma [to]tlajsojtlakan se iuan okse niman para ma [tik]chiuakan on tlen kuajli [tekitl]”. Uelis tikinyolchikauaskej tokniuan itech tlen tikchiuaj niman tlen tikimijliaj. Matikimijlikan oksekimej ipan tlanechikojli tlen kuajli topan nochiua. Makitakan ika tipaki tiktekichiuiliaj Jehová. San ika, maka matikchiuakan manotlatlanikan iuan oksekimej itech tlen kichiuaj (Gál. 6:⁠4, TNM). Matikchiuakan nochi tlen tiuelij matikinyolchikauakan oksekimej manotlasojtlakan niman makichiuakan kuajli tekitl. Niman maka san makichiuakan kuajli tekitl san pampa tikinyolkokouaj (xkita amoxtli Benefíciese, página 158, párrafo 4). Tla tikteititiaj tlasojtlalistli, kichiuas matikinmakakan oksekimej tlen kinpoloua noso matitenojnotsakan pampa ijkon tikneki tikchiuaskej (2 Cor. 1:​24). Tla titeyolchikauaj manotlasojtlakan, kuajli tekitl, ken kitemakaskej tlen kinpoloua noso tenojnotsaskej, kichiuaskej pampa kisas ipan toyojlo.