Matomachtikan melak kuajli matitenojnotsakan: xchiua makinekikan manomachtikan akin kiseliaj revistas

Tleka melak noneki. Miyekej kuelitaj revistas, san ika, xkineki nomachtiskej Biblia, kanaj pampa kuajli nomachiliaj kampa nemij noso xkajxiliaj nomachtiskej. Maski ijkon, pampa nochipa kipouaj revistas uelis kitlasojkaitaskej iTlajtol toTajtsin (1 Ped. 2:⁠2). Uelis se tlamachtijli ajsis ipan inyojlo noso uelis itlaj nopatlas ipan innemilis. Tla nochipa tikomintlajpalouaj uelis tikmatiskej tlenon kinmajmana niman tlen kuelitaj niman yejon kichiuas, kinekiskej touan tlajtoskej. Sakin uelis tipeuaskej iuan tomachtiskej.

Kenon tikchiuaskej:

Xmakati La Atalaya niman ¡Despertad! tlen yenkuikej kistiuej. Ipan okseki tonajli ipan se metstli uelis oksejpa tikontlajpalos niman tikijlis makipoua se tlamachtijli ipan revista tlen otikmakak noso tikonmakas tlen notemakatika ipan yejon metstli. Kuajli xkijkuilo tlen iuan titlajtoua. (Xkita ToTekiyo itech Tekiuajyotl, enero 2014, página 3 [xonka ika náhuatl de guerrero].)
Xmomachti ijkuak oksejpa tias tontetlajpalos. Maka san xkinmaka revistas, xtenotski niman xyejyeko iuan titlajtos. Ijkon tikchiuas makineki manomachti itech tlen melauak.
Ijkuak uelis tikpeualtis titemachtis itech Biblia, xchiua. Tla yakaj akin tikinkauilia revistas itlaj mitstlajtoltia, xmaka se amatlajkuilojli tlen ika titemachtiaj tlen makinankili tlen kineki kimatis niman iuan xmomachti. Ijkuak xitiauj, xtlajtolti itech tlen tlajtotika niman iuan xmokaua tiknankilis okse tonajli. Tla nochipa iuan titlajtoua itech tlamachtiltin ken uajnestiuej tlen ika titemachtia itech Biblia, yotikpeualti tikmachtia, maski tla tiktekitiltia se amatlajkuilojli noso san Biblia. ¿Yotikmakak amatlajkuilojli ¡ToTajtsin techijlia tlen kualtsin! niman yotikijli ika ipan san achijtsin minutos uelis nomachtis? Okse tlen uelis tikchiuas, xkititi videos ¿Tleka noneki timomachtis Biblia? niman ¿Kenon nochiua se tlamachtijli itech Biblia? Maski se tlaltikpakchane xkineki mouan nomachtis Biblia, uelis nopatlas tlen kinemilia. ¿Tleka xok sejpa tikijlia?

Ipan yejuin metstli xyejyeko yejuin:

Xkijkuilo akinomej uelis tikinmakas revistas ijkuak kisaskej. Xkinmaka revistas tlen kemach yokiskej niman xkijli ika oksejpa tias tikominkauilis tlen kisaskej yenkuikej.