Tlen noneki tikmatiskej

◼ Amatlajkuiloltin tlen notetekiuiltiskej ipan junio: ¿Tlenon melauak temachtia Biblia? noso yejuin amatlajkuiloltin pitentsitsintin: ¿Akinon ipan ima kipiya yejuin tlaltikpaktli?, ¿Yejkos tonajli ijkuak xok titlajyouiskej? noso ¿Uelis yoliuiskej akin yomijkej? Julio niman agosto: ¡ToTajtsin techijlia tlen kualtsin! noso yejuin amatlajkuiloltin: Mochanejkauan uelis pakiskej, Xkaki toTajtsin niman tinemis nochipa noso Xkaki toTajtsin. Septiembre: Noamox historias tlen uajlauej ipan Biblia noso yejuin amatlajkuiloltin: Xkaki toTajtsin noso Xkaki toTajtsin niman tinemis nochipa.

◼ Ipan nochi xiujtin, tlayekankej noneki kitaskej iuan tlanechikojli tlen ueyi kijtosneki tlen uajlauj ipan amatlajkuilojli 6 de enero de 2012, tlen tlajtoua itech kenon noyektlaliskej niman kimatiskej tlenon kichiuaskej ijkuak panos itlaj tlen xkuajli.

◼ Pampa metstli agosto kipiya makuijli semanas, melak kuajli yes tochiuaskej precursores auxiliares.

◼ Tla miyekej tlajtolmoyaujkej san sekan tenojnotsaj kampa tojlan nojuitilo ika se carrito noso ika se mesa, noneki kijkuiloskej nochi amatlajkuiloltin tlen okintemakakej, niman ijkuak yotlankej tenojnotsaj, kitaskej kenon kuajli kinnoxelouiliskej tlen insejselti kijkuilos ipan Informe de predicación (S-4-S) itech yejon metstli.