Yejuin tlajtoltin kipiya ika tikintlalis ipan moyojlo
Uelis tikijtoskej ika tajtin ijkon ken se tlajpixketl. Ijkon ken se tlajpixketl kintlajpiya iborreguitos, tajtin noneki kintlajpiyaskej inkoneuan. Se uelis poliuis niman ipan nochiuas tlen xkuajli (Prov. 27:23). ¿Kenon tajtin uelis nochiuaskej kuajli tlajpixkej? Melak noneki mojmostla makitakan kenon tlajtoskej iuan inkoneuan. San ijkon kimatiskej tlenon kinemiliaj niman tlenon onka ipan inyojlo (Prov. 20:5). Noijki, uelis kinchikauiliskej intlaneltokil inkoneuan pampa kitekitiltiaj itlaj melak chikauak tlen kixikoua tlitl (1 Cor. 3:10-15). Video Estas palabras tienen que estar en tu corazón techititia ika noneki nochipa matikueyichiuakan toTajtsin iuan tochanejkauan. Xkitakan san sekan ken familia niman xyejyekokan xkinnankilikan yejuin tlajtoltilistin.
1) ¿Tleka familia Román xok kuajli kitekichiuilijtoya toTajtsin? 2) ¿Tleka xkuajli okisato tokniuj Tomás ijkuak okiyejyeko kiueyichiuas toTajtsin iuan ichanejkauan? 3) ¿Tlenon kijtoua Biblia noneki niman ijkon kuajli tikimiskaltis mokoneuan? (Deut. 6:6, 7.) 4) ¿Tlenon uelis kipaleuis se familia ika kuajli manonotsakan? 5) Maski ouijtika makitakan, ¿tlenon noneki kichiuaskej tajtin inpampa inkoneuan? 6) ¿Kenon tokniuan Vargas okipaleuijkej familia Román? (Prov. 27:17.) 7) ¿Tlenon noneki itech akin kiyekanaj ichanejkauan tla kinekij kuajli makisati ijkuak kiueyichiuaskej toTajtsin? 8) ¿Tlenon okichiuj tokniuj Tomás uan ijkon opeuj nopatla ken nemiya ifamilia? 9) ¿Tleka noneki nochipa matikueyichiuakan toTajtsin iuan tochanejkauan? (Efes. 6:4.) 10) ¿Tlenon okseki tlemach uelis tikchiuaskej ijkuak tikueyichiuaskej toTajtsin? 11) Ijkuak Tomás otlajto iuan itelpoch ika noneki kichiuas tlen kuajli, ¿tleka kuajli okichiuj ika omelajkatlajto niman xokualan? (Jer. 17:9.) 12) ¿Kenon Tomás niman Mónica okipaleuijkej imichpoch ika kuajli makinemili tlen kichiuas iuan Justin? (Mar. 12:30; 2 Tim. 2:22.) 13) ¿Kenon Tomás niman Mónica okiteititijkej itlaneltokil ijkuak okikaujkej seki tlemach ipan innemilis? (Mat. 6:33, TNM.) 14) ¿Kenon yejuin video kinpaleuiya akin kinyekanaj infamilias makitlajpiyakan intlaneltokil inchanejkauan? (1 Tim. 5:8.) 15) ¿Tlenon noneki kitlapejpeniskej kichiuaskej akin kinyekanaj ichanejkauan?
TLEN NONEKI MAKIMATIKAN TAJTIN: Ijkuak yejuin tlamauisojli onopanolti ipan ueyi tlanechikojli yeyi tonajli ipan 2011, ¿otikitak tlenon nonekiya tikyektlalis ijkuak tikueyichiua toTajtsin iuan mochanejkauan? Aman ika yotikitak yejuin video, ¿yotikitak okseki tlen uelis mitspaleuis? Tla tikita ika onka itlaj tlen noneki tikyektlalis, xtlajtlanili Jehová mamitspaleui niman ijkon kuajli tinemis iuan mochanejkauan aman niman nochipa (Efes. 5:15-17).