Kenon tikintekitiltiskej grabaciones tlen nokakij
1. ¿Kenon noijki yonotlalijkej amatlajkuiloltin tlen tikinpiyaj?
1 Pampa ipan Internet tikpiyaj jw.org, miyekej tlaltikpakchanejkej kinpaleuiya makipouakan tlemach tlen melak kinyolpaktia niman tlen melauak (Ecl. 12:10). San ika ¿yotikinkak grabaciones tlen nokakij? Miyekej amatlajkuiloltin tlen tikinnextis ipan yejuin página noijki yonotlalijkej ika maueli manokakikan. ¿Kenon tepaleuiyaj?
2. ¿Kenon uelis tikintekitiltiskej grabaciones ijkuak toselti tomachtiaj niman iuan tochanejkauan?
2 Ijkuak moselti timomachtis niman iuan mochanejkauan. Tijkakiskej grabaciones itech Biblia, revistas noso okseki amatlajkuiloltin ijkuak kanaj tiauej noso tekitl tlen mojmostla tikchiuaj uelis techpaleuis ika kuajli matiktekitiltikan tonaltin (Efes. 5:15, 16). Noijki uelis techpaleuis ijkuak tikueyichiuaj toTajtsin iuan tochanejkauan, tla tiktokaj tlen nopoujtika ijkuak tijkakij grabación. Niman ijkuak toselti tomachtiaj, yejuin grabaciones techpaleuiyaj matiuelikan kenon kuajli tiamapouaskej noso tla tomachtijtokej okse tlajtojli.
3. Itech akin tikinnextiaj kampa titenojnotsaj, ¿akinomej uelis kinpaleuis grabaciones?
3 Ijkuak titenojnotsaj. Miyekej tlaltikpakchanejkej akin tikinnextiaj kampa titenojnotsaj kinemiliaj ika melak miyek tekitl kipiyaj niman xkinkauilia maamapouakan, san ika, kanaj kema kinekiskej kikakiskej se grabación. Oksekimej xijkon tlajtouaj ken tejuamej niman kanaj kinekiskej kikakiskej itech iTekiuajyo toTajtsin “ikan intlajtol” (Hech. 2:6-8). Ipan seki kalpamej melak ueyi kijtosneki titlakakis. Se neskayotl, itech tlaltikpakchanejkej hmong, tajtin kintomiliaj inkoneuan nochi tlen youajpanotiaj, niman ueli kuajli kilnamikij tlen kikakij. Miyek kalpamej ipan África, tlaltikpakchanejkej kuelitaj nomachtiskej ijkuak kikakij tlemach tlen yopanok.
4. Ijkuak tikintekitiltiskej grabaciones kampa titenojnotsaj, ¿tlenon uelis kachtopa totlajtoltiskej?
4 Kampa titenojnotsa, ¿kuajli yes tla tikakiltia tlaltikpakchane se grabación ika itlajtol? ¿Tikmatstika itech yakaj akin kipaleuiskia kikakis se amatlajkuilojli tlen tiktitlaniliskej ipan icorreo? ¿Kuajli yes tiktemoltis se amatlajkuilojli ipan se disco niman tikmakas iuan amatlajkuilojli tlen yokis ika amatl se tlaltikpakchane akin kuajli omitskak? Tla tiktemakaj ika formato electrónico se amoxtli, amatlajkuilojli, revista noso amatlajkuilojli pitentsin, uelis tiktlaliskej ipan informe. Grabaciones tlen nokakij xsan onoyektlalijkej matikintekitiltikan ijkuak toselti tomachtiaj, noijki onochijchiujkej ika matikinpaleuikan oksekimej makixmatikan tlen melauak (1 Cor. 3:6).