Kuajli matikinselikan akin uajlaskej

Ipan 23 metstli marzo tikchiaj tikinseliskej kanaj doce millones akin otikinnotskej touan manosentlalikan ijkuak tikilnamikiskej Imikilis Cristo. Akin technojnotsas tlen kisa itech Biblia techtomilis ika Jehová okinmakak tlaltikpakchanejkej se tlaxtlauijli niman ika tinochimej uelis techpaleuis (Isa 11:6-9; 35:5, 6; 65:21-23; Jn 3:16). San ika, akin technojnotsas tlen kisa itech Biblia, xsan yejua kuajli kinnotsas akin yaskej ipan yejon tonajli. Tejuamej noijki uelis kuajli tikinseliskej akin yaskej (Ro 15: 7). Matikitakan seki tlen uelis tikchiuaskej.

• Maka timotlalis niman sa tikchias mapeua tlen nopanoltis, kuajli xkinseli akin kemach sejpa ouajlakej niman akin youejkauj xok tenojnotsaj. Xkimititi ika tikinselia ika moyojlo niman kualtsin xkinnotsa.

• Noneki kuajli xkinseli akin tejua otikinnots mauajlakan, san ika, noijki xkita akinon ouajla pampa okiseli se amatsintli ijkuak onochiuj ueyi tekitl niman xpaleui. Xkijli mouan manotlali niman iuan xkitstiuj moBiblia niman amoxtli ika tlakuikaltin.

• Tla yotlan technojnotsaj tlen kisa itech Biblia, xtlajtolti tlaltikpakchane tla itlaj kineki kimatis. Tla motlanechikol nonekis nimantsin kisas pampa okse tlanechikojli kalakis, iuan xmokaua yejon tlaltikpakchane ika iuan timotas okse tonajli. Uelis tikijlis: “Nikuelitaskia nikmatis kenon otikitak tlen onopanolti. ¿Kenon uelis okse tonajli mouan nitlajtos?”.