Biblia kiteneua kenon se kuajli tesiuauj

Ipan tlaxelojli ueyi Proverbios 31 tlajtoua itech itlaj tlen ueyi kijtosneki tlen okiseli tekiuaj Lemuel itech inan. Kuajli tlajtolpaleuilistin tlen okiseli okipaleui kimatis tlenon kitejtemos itech se siuatl.

Se kuajli tesiuauj akin uelis itech titlaneltokas

31:10-12

• Yejua kijtoua ika tlakaitalistli tlen uelis kinpaleuis ichanejkauan, san ika, noijki kitlakamati iueuentsin.

• Iueuentsin kineltoka ika yejua uelis kuajli kitlapejpenis tlen kichiuas niman xkijlia ika noneki kitlajtoltis nochipa tla uelis kichiuas itlaj.

Se kuajli tesiuauj akin melak tekitki

31:13-27

• Kuajli kitekitiltia tomin niman nemi san ika tlen noneki niman ijkon ichanejkauan uelis nemiskej chipaujkej, kuajli nesiskej niman nochipa kipiyaskej tlen kikuaskej.

• Melak tekitki niman kintlajpiya ichanejkauan ika tonajli niman ika yeuajli.

Se kuajli tesiuauj akin kuajli nouika iuan toTajtsin

31:30

• Kitekichiuilia toTajtsin niman nokojtilia kuajli iuan nouikas.