Tajtin, xchiuakan tlen noneki niman ijkon nemokoneuan kuajli onkisaskej

Nochimej tajtin akin kichiuaj ken Cristo kinekij ika inkoneuan mayolmelaujkanemikan itech Jehová. Uelis kichiuaskej tla nokojtiliaj kinpaleuiskej inkoneuan ijkuak pitentsitsintin makipiyakan ipan inyojlo tlen melauak temachtia Biblia (Dt 6:7; Pr 22:6). ¿Noneki nokojtiliskej? Yemelak ika kema, san ika, tla ijkon kichiuaj kuajli nochi onkisas (3Jn 4).

Tajtin uelis melak miyek nomachtiskej itech ineskayo José niman María. Nochi xiujtin “itajuan Jesús yayaj ne Jerusalén para kompanouayaj on iluitl itoka pascua”, maski kemantika nonekiya nokojtiliskej niman kipopoloskej tomin (Lu 2:41). José niman María kitayaj ika melak ueyi kijtosnekiya kinpaleuiskej inchanejkauan makichikauakan intlaneltokil. Aman, tajtin noijki uelis kinyekanaskej inkoneuan tla nokojtiliaj nochipa kinmachtiskej ika intlajtoluan niman tlen yejuamej kichiuaj (Sl 127:3-5).

XKITAKAN VIDEO OKINEJKEJ KISELISKEJ NOCHI TEKITL, SAKIN XKINNANKILIKAN YEJUIN TLAJTOLTILISTIN:

• ¿Kenon Jon niman Sharon Schiller okitlalijkej kachtopa itekiyo toTajtsin ijkuak kimiskaltijtoyaj inkoneuan?

• ¿Tleka tajtin noneki kinyektlaliskej inkoneuan ipampa tlen inseselti kinpoloua?

• ¿Kenon tajtin uelis kinpaleuiskej inkoneuan niman ijkon yolmelaujkanemiskej ijkuak kixnamikiskej tlatlatalistin?

• ¿Tlenon okseki tlapaleuilistin yokinmakak tajtin ikalpan toTajtsin tlen ika uelis kinpaleuiskej inkoneuan makichikauakan intlaneltokil?