“Tejuamej xtosiaujkauaj”

4:16-18

Xkonnemili ika ome familias chantitokej ipan se kajli tlen melak yoijtlakauj. Se familia melak najmana, san ika, okse familia melak paki. ¿Tleka melak pakij? Pampa yejuamej kimatij ika xok uejkaujtipan onchantiskej ipan se yenkuik kajli.

Tejuamej “tikmatstokej ika hasta aman nochi tlen Dios okichijchiu nokokoua niman tena”, san ika, akin tiktekichiuiliaj Jehová tikpiyaj se tlamachialistli tlen techpaleuiya matitlaxikokan (Ro 8:22). Ijkuak tejuamej titlanemiliaj itech tlateochiualistli tlen techmakas toTajtsin, techpaleuiya matikitakan ika nochi tlen techajmana ipan yejuin tonaltin san panos. Kuakon, tla tejuamej nochipa titlanemiliaj itech tlateochiualistin tlen tikseliskej ipan iTekiuajyo toTajtsin, techpaleuis matiyolpakikan niman maka matosiaujkauakan.