Totekiyo noijki kijtosneki tikinpaleuiskej tokniuan

8:1-4; 9:7

Akin tiktekichiuiliaj Jehová tikpiyaj ome tekitl. 1) ijkuak titenojnotsaj niman titemachtiaj itech kenon nochimej uelis oksejpa nouikaskej iuan Jehová. Niman, 2) ijkuak tikinpaleuiyaj tokniuan akin inpan nochiua itlaj tlen xkuajli (2Co 5:18-20; 8:4). Kuakon, ijkuak tikinpaleuiyaj tokniuan akin kixnamikij tlen ouijtika noijki tikchiuaj itekiyo Jehová. San ika ¿kenon tepaleuiya ijkuak ijkon tikchiuaj?

• Tikinmakaj tokniuan nochi tlen noneki (2Co 9:12a).

• Tikinpaleuiyaj oksejpa makichiuakan itekiyo toTajtsin, ijkon ken matenojnotsakan ika pakilistli, pampa ijkuak ijkon kichiuaj, kititiaj Jehová ika kitlasojkamatij tlen kichiua inpampa (2Co 9:12b).

• Tikueyichiuaj Jehová (2Co 9:13). Ijkuak tikinpaleuiyaj tokniuan kampa tlaixpoliui, kichiua ika kuajli matlajtokan itech Jehová, hasta akin xkuajli kimitaj iteixpantijkauan Jehová ijkon kichiuaj.