¿Kuajli timopaleuijtika ika amatlajkuilojli Mojmostla matomachtikan iTlajtol toTajtsin?

¿Nochipa tikpoua amatlajkuilojli Mojmostla matomachtikan iTlajtol toTajtsin? Tla xtikchiua, ¿tleka xtipeua? Miyekej yonomatkej kipouaj ika kualkan niman ijkon ueli itech tlanemiliaj nochi tonajli (Jos 1:8; Sl 119:97). ¿Kenon tiknemilia uelis más timopaleuis ika yejuin amatlajkuilojli? Xkamapoua tlen onka kachtopa niman tlen onka sakin itech yejon tlaxelojli tlen tikitstok niman ijkon más tikasikamatis. Xnemili itlaj tlen Biblia kiteneua, kampa manesi kenon onochiuj tlen kijtoua yejon tlaxelojli. Sakin, xchiua tlen kijtoua. Tla topaleuiyaj ika iTlajtol toTajtsin ijkuak itlaj tiktlapejpeniaj, kuakon, tijkauiliaj makiyekana tonemilis niman más itech topaleuiyaj (Sl 119:105).

Ijkuak tlakuaj ika kualkan, betelitas san sekan kipouaj amatlajkuilojli Mojmostla matomachtikan iTlajtol toTajtsin. Xiuejkaui, yejuin tlamachtiltin tlen kitaj ika kualkan yonotlalijkej ipan JW Broadcasting^®, yejuin videos uelis tikinnextiskej kampa OKSEKI TLAMACHTILTIN. ¿Kemanon otikitak se itech yejuin videos? Kanaj tlen ompa noijtos yejon tlen tikneki tijkakis. San matikonitakan tlenon ika uelis techpaleuis tlen ipan onochiuj Lot.

XKITAKAN VIDEO MAKA MATIKTLASOJTLAKAN TLALTIKPAKTLI (1JN 2:15), SAKIN XNANKILIKAN YEJUIN:

• ¿Itech tlen tlaxelojli okis yejuin tlamachtijli?

• ¿Kenon tlen ipan onochiuj Lot techititia ika xkuajli tla tiktlasojtlaj yejuin tlaltikpaktli niman tlen ipan onka? (Gé 13:12; 14:12; 19:3, 12, 13, 24-26).

• ¿Kenon tikteititiaj ika tiktlasojtlaj toTajtsin niman xtiktlasojtlaj yejuin tlaltikpaktli nion tlen kipiya?