¿Tlenon uelis tiueliskej itech tokniuan akin youejkaujkej kitekichiuiliaj toTajtsin?

Ipan totlanechikol nemij tokniuan akin youejkaujkej kitekichiuilijtokej Jehová. Miyek tiuelij intech yejuin tokniuan pampa yejuamej yokiteititijkej ika melak tlaneltokaj itech Jehová. Uelis tikimijliskej matechtlajtlajtouilikan kenon katka ikalpan toTajtsin niman kenon yokinpaleui Jehová makixnamikikan tlen ouijtika. Ijkuak tikueyichiuaj toTajtsin imiuan tochanejkauan uelis tiknotsaskej se tokniuj niman ijkon matechijli tlen ipan yonochiuj.

Tla tejua yotiuejkauj tiktekichiuilijtok Jehová, xkintlajtlatouili telpokamej tlen mopan yonochiuj. Jacob niman José okintlajtlatouilijkej inkoneuan tlen Jehová yokichiujka inpampa (Gé 48:21, 22; 50:24, 25). Satepan, Jehová okintlajtlanili tajtin makimijlikan inkoneuan itech tlen yejua okichiujka (Dt 4:9, 10; Sl 78:4-7). Aman, tajtin niman oksekimej tokniuan uelis kintlajtlatouiliskej telpokamej nochi tlen kualtsin yokichiuj Jehová itechkopa ikalpan.

XKITAKAN VIDEO SAN SEKAN TINEMIJ MASKI TECHTLAUELTOKAJ, SAKIN XNANKILIKAN YEJUIN:

• ¿Kenon sucursal tlen onka Austria okinpaleui tokniuan akin chantiyaj ipan países kampa xkinkauiliayaj makitekichiuilikan Jehová?

• ¿Tlenon okichiujkej tokniuan niman ijkon chikaujtos intlaneltok?

• ¿Tleka miyekej tokniuan akin chantiyaj Rumania onoxelojkej itech ikalpan Jehová, niman tlenon okinpaleui oksejpa manokuepakan?

• ¿Kenon mitsyolchikaua yejuin video?