Jehová kitlajpiya ikalpan

Ijkuak kemach okipanoltijkej Pascua melak ueyi okijtosnek. Ipan yejon yeuajli, ijkuak faraón okitak ika iyenkuiyo yomijka, nimantsin okijli Moisés: “Amantsin xkisakan. Xuiyan inmiuan nochi on israelitas. Xkinkauakan nochanejkauan. Xuiyan xmauistilitij nemoTEKO ken yonenkijtojkej” (Éx 12:31). Jehová okiteititi ika nochipa kitlajpiya ikalpan.

Ijkuak tikitaj tlen ipan nochiua ikalpan toTajtsin ipan yejuin tonaltin, noijki kuajli nesi ika Jehová ok kinyekantika niman kintlajpixtika itekipanojkauan. Niman yejon nesi ipan se museo tlen onka Warwick, tlen itoka “Se kalpan tlen kiueyichiua itoka Jehová”.

XKITAKAN VIDEO XKIXMATI TLEN ONKA IPAN MUSEO DE WARWICK TLEN ITOKA: “SE KALPAN TLEN KIUEYICHIUA ITOKA JEHOVÁ”, SAKIN XNANKILIKAN YEJUIN:

• 

  ¿Tlenon okitekitiltijkej Nomachtijkej itech Biblia ipan 1914 niman ijkon kiteijliskej tlen melauak, niman kenon yejon otepaleui?

• 

  ¿Tlenon okixnamijkej tokniuan ipan 1916 niman 1918, niman kenon kuajli ones ika Jehová kiyekantoya ikalpan?

• 

  ¿Kenon omelajkanenkej itekipanojkauan toTajtsin maski okimixnamijkej?

• 

  ¿Tlenon okasikamat ikalpan toTajtsin ipan 1935, niman kenon okinpaleui?

• Tla yotiajka ipan yejuin museo noso ipan okse sucursal, ¿tlenon yokichiuj xneltoka ika Jehová kiyekana niman kitlajpiya ikalpan?