Maka matikteijlijtinemikan tlen xmelauak

Ipan yejuin tonaltin, tlaltikpakchanejkej nimantsin kimatij tlen panotika pampa kitaj periódico, televisión, Internet noso kikakij radio. Tejuamej xtiknekij tikteijlijtinemiskej tlen xmelauak pampa tikueyichiuaj toTajtsin akin xtekajkayaua (Sl 31:5; Éx 23:1). Ijkuak noteijlia tlen xmelauak melak teijtlakoua. Tla tiknekij tikmatiskej ika itlaj yemelak, matotlajtoltikan:

• ¿Uelis tikneltokiliskej akin okijto? Akin okijto kanaj xnochi kimati tlen opanok. Niman tikmatstokej ika ijkuak kijtotinemij tlen opanok kemantika kipatiliaj noso san kontlatlaliliaj. Kuakon matotlajpiyakan maka tikijtojtiuetsiskej itlaj tla xtikmatij kenon yemelak opanok. Nochia ika akin kipiyaj se tekitl ipan tlanechikojli makijtokan san tlen melauak, kuakon yejuamej noneki más notlajpiyaskej niman ijkon maka kijtojtiuetsiskej itlaj tlen xkimatij tla yemelak opanok.

• ¿Xok kuajli kitaskej akin kitejteneuaj? Tla kema, maka matikteijlikan (Pr 18:8; Flp 4:8).

• ¿Uelis tikneltokaskej? Matotlajpiyakan ijkuak tijkakiskej itlaj tlen tikmatij ika nion xueliskia panos.

XKITAKAN VIDEO ¡MAKA SA XTETEJTENEUA!, SAKIN XNANKILIKAN YEJUIN:

• 

  Ijkon ken kijtoua Proverbios 12:18, ¿kenon uelis titeijtlakoskej ika tlen tikijtouaj?

• 

  ¿Kenon Filipenses 2:4 techpaleuiya matiknemilikan tlen tikijtoskej intech oksekimej?

• 

  ¿Tlenon noneki tikchiuaskej ijkuak yakaj peua tepijpinaujtia noso kijtoua itlaj tlen xkuajli itech yakaj?

• 

  Ijkuak titlajtoskej itech oksekimej, ¿tlenon noneki totlajtoltiskej?