Ipan noviembre onias se ueyi tekitl: titenojnotsaskej itech iTekiuajyo toTajtsin

Jesús oteijli “kuajli tlajtoltin itech iTekiuajyo toTajtsin” (Lu 4:43, TNM). Noijki otemachti kenon noneki kitlajtlaniskej yejuin Tekiuajyotl (Mt 6:9, 10). Ipan noviembre, tinochimej tokojtiliskej tikchiuaskej se kualtsin tekitl: titenojnotsaskej itech iTekiuajyo toTajtsin (Mt 24:14, TNM). ¿Tleka xtikitaj tla uelis más titenojnotsaskej ipan metstli noviembre? Akin tlapaleuiskej ken precursores auxiliares uelis kajxiltiskej 30 noso 50 horas ipan yejon metstli.

Melak miyekej xkinpouili se texto tlen matlajto itech iTekiuajyo toTajtsin. Kachtopa xkita tlen kineltokaj akin tikinnojnotsas, niman ijkon tikmatis tlen texto tikinpouilis. Tla yakaj kineki kimatis okseki ijkuak kachtopa tikontlajpaloua, xmaka se Amatl Tekakistilijketl (tlen tiktemakaj) itech número 2 del 2020. Oksejpa nimantsin xkitati niman xpeualti se tlamachtijli ika se amatlajkuilojli tlen onka ipan Tlen ika titemachtiaj. Sa achijtsin poliui ijkuak iTekiuajyo Totajtsin kinpopolos nochi gobiernos akin kixnamikij Jehová (Da 2:44; 1Co 15:24, 25). Yejua ika, matokojtilikan matikchiuakan yejuin tekitl niman ijkon tikteititiskej ika tinemij iuan Jehová niman tikpaleuiyaj iTekiuajyo.