Nochi tlen tikixnamikij kipiya kemanon ontlamis

Ijkuak tikixnamikij itlaj tlen ouijtika, toyolajmanaj, niman más ijkon tomachiliaj ijkuak xtikitaj kemanon ontlamis tlen tikixnamiktokej. David kimatstoya ika nochi tlen kichiuilijtoya Saúl xuejkauiskia, niman ika yejua nochiuaskia tekiuaj ijkon ken Jehová yokijlika (1Sa 16:13). Itlaneltok David okipaleui matlaxiko niman matlamachia hasta ijkuak Jehová kiyektlaliskia itlauel.

Uelis tikyektlaliskej tlen tikixnamiktokej tla kuajli tiknemiliaj tlen tikchiuaskej (1Sa 21:12-14; Pr 1:4). San ika, kemantika xpopoliui tlen tikixnamiktokej maski tokojtiliaj tikyektlaliskej ijkon ken kijtoua Biblia. Ijkuakon, noneki titlaxikoskej niman tikchiaskej Jehová makiyektlali tlen tikixnamiktokej. Sa achijtsin poliui ijkuak yejua kipopolos nochi tlen techtlajyouiltia niman nochi tlen texchoktia (Ap 21:4). Jehová uelis kipopolos tlen tikixnamiktokej noso uelis kitekitiltis yakaj para matechpaleui. Maski san kenon, kuajli tikmatstokej ika tlen tikixnamiktokej kipiya kemanon ontlamis.

XKITAKAN VIDEO TOUIKAJ MASKI OKSEKIMEJ NOTLAUELITAJ, SAKIN XNANKILIKAN YEJUIN:

• ¿Tlenon okixnamijkej tokniuan del sur de Estados Unidos?

• ¿Kenon okiteititijkej ika tlamachiayaj niman ika notlasojtlayaj?

• ¿Tlenon más kipatiojkaitayaj yejuin tokniuan? (Flp 1:10).