MATINEMIKAN KEN CRISTO
Maka xchiua tlen tikileuiya
Pampa titlajtlakolejkej, nochipa noneki tokojtiliskej xtikchiuaskej tlen tikileuiyaj. Niman ijkon tikchiuaj pampa nochipa tiknekij touikaskej iuan Jehová. Sekimej xok más kitlasojtlaj Jehová san pampa kinekij kipiyaskej se kuajli inkal, tlen kikuaskej niman tlen ika notlakentiskej. Miyekej peuaj auilnemij niman xkinemiliaj ika yejon xkuelita Jehová (Ro 1:26, 27). Niman sekimej peuaj kichiuaj ken inamigos kichiuaj san pampa kinekij kuajli imiuan nouikaskej (Éx 23:2).
Tla xtiknekij tikchiuaskej tlen tikileuiyaj, noneki tokojtiliskej tikchikauaskej totlaneltok (Mt 4:4). Noijki, matikijlikan Jehová matechpaleui para maka tikchiuaskej tlen tikileuiyaj. ¿Tleka? Pampa yejua kuajli techixmatstok niman kimatstok tlenon techyolpaktis (Sl 145:16).
XKITAKAN VIDEO MAKA XMOPOKMIKTI, SAKIN XNANKILIKAN YEJUIN:
¿Tleka sekimej pokij?
¿Tlenon topan panos tla tipokij?
¿Tleka xkuajli tikpokis tabaco niman cigarro electrónico? (2Co 7:1).
¡Tejua uelis tijkajkauas ika tipoki!
¿Tlenon uelis tikteijlis tla mitschiualtiaj xpoki, noso kenon uelis tijkajkauas ika tipoki?