Tejua uelis titlapaleuis para mochanejkauan más mayolpakikan

Jehová kineki ika familias mayolpakikan (Sl 127:3-5; Ec 9:9; 11:9). San ika, kemantika, pampa miyek tikpiyaj tlen techajmantika noso pampa topopolouaj, uelis kichiuas maka matinemikan ika toyojlo iuan tofamilia. ¿Tlenon uelis kichiuaskej nochimej tochanejkauan niman ijkon tinemiskej ika toyojlo?

Se kuajli teueuentsin kitlakaita isiuatsin (1Pe 3:7). Kixeloua tiempo para iuan nemis, xkichia ika nochi kuajli makichiua niman kitlasojkamachilia nochi tlen kichiua ipampa niman ipampa ikoneuan (Col 3:15). Kijlia ika melak kitlasojtla niman kijlia nochi tlen kuajli kichiua (Pr 31:28, 31).

Se kuajli tesiuauj nochipa nokojtilia kipaleuis iueuentsin (Pr 31:12). Yejua nochipa kitlakamati iueuentsin niman iuan nopaleuiya (Col 3:15). Kualtsin kinotsa niman kimijlia oksekimej tlen kuajli kichiua iueuentsin (Pr 31:26).

Kuajli tatajtin kixelouaj tiempo para nemiskej imiuan ikoneuan (Dt 6:6, 7). Kimijliaj ika melak kintlasojtlaj (Mt 3:17). Kimatij kemanon niman kenon kinyektlaliskej, niman nochipa kichiuaj ika tlasojtlalistli (Ef 6:4).

Kuajli tekoneuan kintlakaitaj niman kintlakamatij intajuan (Pr 23:22). Kimijliaj tlenon kinemiliaj niman kenon nomachiliaj. Kinektokej makinmelajkatlalikan niman kimititiaj ika kintlakaitaj (Pr 19:20).

XKITAKAN VIDEO KEN UELIS TIYOLPAKISKEJ IMIUAN TOCHANEJKAUAN, SAKIN XNANKILIKAN YEJUIN:

¿Tlenon okichiuj yejuin familia para nochimej yolpakiskej?